ŞOK İDDİA! İran rejimi parçalanır

SON XƏBƏRLƏR

ŞOK İDDİA! İran rejimi parçalanır

2024.10.02, 13:26

“The New York Times” 1 oktyabr tarixində paylaşdığı yazıda iddia edir ki, Pezeşkianın İsrailə hücumdan xəbəri olmayıb.

Gunaz.tv

İran rejiminin yüksək səviyyəli hökumət məmurları ilə hərbi komandirlər arasında gərgin müzakirə günlərlə davam etdi. Bu müzakirənin əsas səbəbi İsrailə necə cavab verəcəklərini qərarlaşdırmaq idi. Günlərlə davam edən müzakirələrdən sonra hərbi komandirlər qalib gəldi və təxminən 200 ballistik raket İsrailin mərkəzinə doğru göndərildi.

İnqilab Keşikçiləri Korpusunun yüksək rütbəli hərbi komandirləri ölkənin ali dini lideri Ayətullah Əli Xamenei İsrailə qarşı hücumun yeganə yol olduğuna inandırdı. Bu vasitə ilə İranın güclü görünəcəyini iddia ediblər.

Iranian Ballistic Missiles Rain Down On Israel (Updated)

İranın yeni prezidenti Məsud Pezeşkian isə təmkinli olmağa çağıranlar arasında idi. Pezeşkian bütün riskləri gözə alaraq İsrailə cavab verilməli olduğunu bildirmişdir. Lakin, İranın raket zərbələrindən sonra bunu "özünümüdafiə aktı" olduğunu irəli sürdü. O, İsrailin baş naziri Benyamin Netanyahuya xəbərdarlıq edib ki, “İran müharibə istəmir, lakin istənilən təhdidlərə qarşı möhkəm dayanacaq”.

"New York Times"ın köşə yazarı Tomas Fridmanın iddiasına görə İsrailə raket hücumuna başlamazdan əvvəl İran prezidenti Məsud Pezeşkiana məlumat verilməyib.

Threatened by a moderate Iranian president, Israel is pulling him into a fight

Məlumata görə, raket hücumunu İran Hərbi Hava Qüvvələri deyil, İslam İnqilabı Keşikçiləri Korpusunun Hərbi Hava Qüvvələri təşkil edib.

İsrailin İranın zərbəsini qabaqcadan müəyyən etməklə yanaşı hücumun dəqiq saatını bilməyi Mossadın İran rejiminə nə qədər dərindən nüfuz etdiyini göstərir. Bu o deməkdir ki, artıq heç bir İran lideri digərinə etibar edə bilməz.

Eyni zamanda, mənbələrin iddiasına görə, Pezeşkianın hücumdan əvvəl bu barədə xəbəri olmayıb. Bu isə İran rəhbərliyində əməliyyatla bağlı fikir ayrılıqlarının olduğunu deməyə əsas verir.

Sual olunur: Bu iddialar doğru ola bilərmi?

Mövzu ilə bağlı açıqlama verən "Atlas" Araşdırmalar Mərkəzinin rəhbəri Elxan Şahinoğlu bildirib ki, İsrailə hücum barədə Prezident Məsud Pezeşkiana məlumat verilib, sadəcə hücum qərarıyla bağlı onun rəyi öyrənilməyib, o fakt qarşısında qoyulub.

Elxan Şahinoğlu: “Hələlik bu sanksiyalarABŞ üçün kifayət edəcək”

"ABŞ nəşri bunu əməliyyatla bağlı İran rəhbərliyində mümkün parçalanma ilə izah edib. “The New York Times” iddiasının nə dərəcədə həqiqətə uyğun olduğunu söyləmək çətindir. Bu İrana qarşı informasiya müharibəsinin tərkib hissəsi də ola bilər. Raket zərbələri endirildikdən sonra Məsud Pezeşkian hücumu dəstəkləyən fikirlər paylaşmaq məcburiyyətində qalıb. Ancaq Pezeşkian İsrailin cavab zərbələrinin İrana hansı zərər vuracağını da anlamamış deyil. Pezeşkian seçiləndə beynəlxalq aləmlə münasibətləri nizamlayacağını, iqtisadi vəziyyəti düzəldəcəyini vəd etmişdi. İsraillə müharibə bu planların üstündən xətt çəkəcək."

Şahin Elxanoğlu