Contact Us

SON XƏBƏRLƏR

Türkiyənin 19 vilayətində PKK/KCK-ya qarşı əməliyyat: 40 nəfər saxlanılıb

2024.12.21, 14:19
Türkiyənin 19 vilayətində PKK/KCK-ya qarşı əməliyyat: 40 nəfər saxlanılıb

PKK/KCK-ya qarşı "Gürz-30" kod adlı əməliyyatların təşkil edildi.

Gunaz.tv

Türkiyənin Daxili İşlər naziri Əli Yerlikaya sosial media hesabından verdiyi açıqlamada, Respublika Baş Prokurorluğu və Jandarma Baş Komandanlığının Terrorla Mübarizə İdarəsinin koordinasiyası ilə Adıyaman, Ağrı, Antalya, Ardahan, Aydın, Burdur, Diyarbəkir, Hatay, Kahramanmaraş, Qars, Kilis, Manisa, Mersin, Muğla, Siirt, Şanlıurfa, Şırnak, Tekirdağ və Vanda terror təşkilatı PKK/KCK-ya qarşı "Gürz-30" kod adlı əməliyyatların təşkil edildiyini qeyd edib.

Əməliyyatlar zamanı 40 şübhəlinin tutulduğunu bildirən Yerlikaya, "Millətimizin sülhü, birliyi və həmrəyliyi üçün son terrorçu zərərsizləşdirilənə qədər mübarizəmizi qətiyyətlə davam etdiririk" dedi.

Yerlikaya əməliyyatlarla bağlı bu məlumatları bölüşdü:

“Terror təşkilatı tərkibində fəaliyyət göstərmək, terror təşkilatının gənclər strukturunda olmaq, terror təşkilatını maliyyələşdirmək, sosial media hesabları vasitəsilə terror təşkilatına təbliğat aparmaq cinayətləri ilə bağlı prokurorluğumuz tərəfindən araşdırma başlanıb. Əməliyyatlar nəticəsində sənədsiz tapança və ov tüfəngləri, çox sayda narkotik maddə və çox sayda təşkilati sənəd və rəqəmsal vəsait ələ keçirildi."

Əməliyyatların görüntülərini də paylaşan Ali Yerlikaya Respublika Baş Prokurorluğu və jandarma əməkdaşlarını təbrik edib.

Açar Sözlər :

SEÇİLMİŞ XƏBƏRLƏR

Çox oxunanlar