Suriyanın yeni rəhbərliyi ölkəyə qarşı enerji sanksiyalarının qaldırılacağını gözləyir

SON XƏBƏRLƏR

Suriyanın yeni rəhbərliyi ölkəyə qarşı enerji sanksiyalarının qaldırılacağını gözləyir

2024.12.21, 14:39

Suriyada 61 illik Baas rejiminin devrilməsindən sonra Suriya xalqının enerji ehtiyaclarını necə qarşılayacağı və bölgədəki sanksiyaların necə formalaşdırılacağı mövzusunu gündəmə gəlib.

Gunaz.tv

Avropa İttifaqı devrilmiş Bəşər Əsəd rejiminin zalım hakimiyyətinə cavab olaraq ümumilikdə 318 şəxs və 86 təşkilata sanksiya tətbiq edib. Tətbiq olunan sanksiyalara Suriyadan xam neft və neft məhsullarının idxalına qadağa qoyulması və Suriya neft sənayesinə investisiyaların qarşısının alınması kimi tədbirlər daxildir.

Bundan əlavə, qadağalara Suriyada yeni elektrik stansiyalarının tikintisinə investisiya qoyuluşunu qadağan edən, yeni elektrik stansiyalarının tikintisi prosesinə texniki və ya maliyyə yardımının göstərilməsinin qarşısını alan, neft və təbii qaz sənayesi üçün zəruri olan avadanlıqların ixracını məhdudlaşdıran sanksiyalar daxildir.

“Energy Aspects” tədqiqat təşkilatının Geosiyasi Araşdırmalar Departamentinin rəhbəri Riçard Bronze Anadolu Agentliyinin müxbirinə verdiyi açıqlamada Suriyanın neft hasilatının əvvəlki vəziyyətinə qayıtmasının həll yolunun Qərb ölkələrinin sanksiyaları yumşaltması olduğunu bildirib.

Riçard Bronze neft emalı zavodunun fəaliyyətini davam etdirmək üçün yeni xam neft mənbəyinə ehtiyac duyacağını ifadə edərək, alternativ həll yolu tapılmadıqda bölgədə yanacaq qıtlığının daha da dərinləşəcəyi ilə bağlı xəbərdarlıq edib.

Riçard Bronze Suriyanın neft hasilatının əvvəlki səviyyələrə çatmasının uzun zaman alacağına diqqət çəkdi. "Qərbin sanksiyalarının yumşaldılması və əsas neft hasilatı bölgələrində təhlükəsizlik vəziyyətinin məqbul səviyyədə sabitləşməsi lazımdır. Bununla belə, bu iki şərt yerinə yetirilsə belə, beynəlxalq neft şirkətləri Suriyaya qayıdıb sərmayə qoymaq istəməyəcəklər.” - Riçard Bronze əlavə etdi.

Yeni Suriya rəhbərliyinin bu çətinliklərin öhdəsindən gəlmək üçün beynəlxalq yardıma müraciət edə biləcəyini ifadə edən Bronze, "Qısa müddətdə verilə biləcək yardımlar sərfəli ödəmə şərtləri və ya satınalmaların maliyyələşdirilməsi üçün kreditlərdən ibarət ola bilər”.

GUNAZ.TV

SON XƏBƏRLƏR