Contact Us

SON XƏBƏRLƏR

Britaniyanın keçmiş təhlükəsizlik naziri: Yaxın bir neçə ildə İslam Respublikası süqut edəcək

2025.01.03, 10:07
Britaniyanın keçmiş təhlükəsizlik naziri: Yaxın bir neçə ildə İslam Respublikası süqut edəcək

"Yaxın bir neçə ildə İslam Respublikası süqut edəcək"

Gunaz.tv

Böyük Britaniyanın keçmiş təhlükəsizlik naziri Tom Tugendat “Guardian” qəzetinə müsahibəsində Qasım Süleymaninin Donald Trampın əmri ilə öldürülməsinin Suriyada hadisələrin inkişafına səbəb olduğunu deyib.

O bildirib ki, Bəşər Əsəd hökumətinin devrilməsindən sonra SEPAH-ın yaşadığı daxili böhran İslam Respublikasının devrilməsinə gətirib çıxaracaq.

Süleymaninin "çox mərkəzi və həlledici rolu"na işarə edən Tugendat, Süleymaninin bütün regional əlaqələri və razılaşmaları nəzərə aldığını, ölümündən sonra onun yerinə xələf təyin etdiklərini, lakin əslində heç kimin 20 illik şəxsi münasibətləri əvəz edə bilməyəcəyini bildirib.

O, İnqilab Keşikçiləri İçindəki böhranı Suriyanın itirilməsinin nəticəsi hesab edib:

"İnqilab Keşikçiləri Korpusunun gənc üzvləri iki şeydən danışır; Birincisi, onlar köhnə nəslin korrupsioner və bacarıqsız olduğunu deyirlər, ikincisi də Hizbullah və Əsəd rejiminin uğursuzluğunu da bu korrupsioner təbəqənin günahı hesab edirlər" - deyə Tom Tugendat bildirib.

Xatırladaq ki, Tugendat 2015-ci ildə Tehranla ilkin nüvə sazişinin əleyhinə idi və Britaniyanın təhlükəsizlik naziri kimi SEPAH-ın terror qruplaşmaları siyahısına daxil edilməsini dəstəkləyirdi.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar