Contact Us

SON XƏBƏRLƏR

HƏMAS-ın İranın xeyrinə olan hərəkətlərinə icazə verməyəcəyik - FƏTH

2025.01.12, 12:43
HƏMAS-ın İranın xeyrinə olan hərəkətlərinə icazə verməyəcəyik - FƏTH

HƏMAS İslam Respublikasının xeyrinə özünü girov qoymaqla fələstinlilərin maraqlarını və resurslarını təhlükəyə atıb, Qəzza zolağının dağıdılmasına səbəb olub.

Gunaz.tv

Bu, Fələstinin İordan çayının qərb sahilindəki ən böyük siyasi təşkilatı olan FƏTH hərəkatının bəyanatında deyilib.

HƏMAS-ın 7 oktyabr hücumuna toxunan FƏTH hərəkatı Qəzza zolağındakı mövcud fəlakətli şəraitə görə bu təşkilatın (HƏMAS-ın) cavabdeh olduğunu bildirib.

"HƏMAS-ın hərəkətləri nəticəsində bu zolağın sakinləri ən əsas insan ehtiyaclarından məhrum olub, yoxsulluqla qarşı-qarşıya qalıb, aclıq, təhsil, sağlamlıq və müalicə problemlərinilə mübarizə aparmalı olublar",- bəyanatda qeyd olunub.

FƏTH hərəkatı bəyanatının davamında HƏMAS-ı qanunsuz qrupları açıq şəkildə dəstəkləməklə təhlükəsizlik pozuntuları və xaosa təhrik etməkdə günahlandırıb, qrupun fəlakət və ölümdən başqa heç nə gətirmədiyinə diqqət çəkib.

FƏTH, HƏMAS-ın hazırkı siyasətlərini davam edəcəyi təqdirdə Fələstin xalqının məhvinə səbəb olacağı barədə xəbərdarlıq edib.

HƏMA-ın mövcud olduğu illər ərzində edamlar, repressiyalar, adam oğurluğu ilə məşğul olduğu xatırladılıb, din və müqavimət adı altında hətta humanitar yardımların oğurlanmasında və mütəşəkkil cinayətkarlığın qanuniləşdirilməsində iştirak etdiyi vurğulanıb.

"Fələstinin təhlükəsizlik qurumları Fələstinin milli layihəsini fədakarlıqla qoruyacaq və Fələstin məsələsini öz maraqları üçün istismar etməyə çalışan İrana bağlı qrupların ağalığının qarşısını alacaq",- FƏTH HƏMAS-ın təxribatlarına qəti cavab verəcəyinə təkid edib.

Qeyd edək ki, xüsusən son həftələrdə Fələstin özünüidarəetmə təşkilatının təhlükəsizlik qüvvələri İordan çayının qərb sahilindəki mövcudluğunu gücləndirərək bu bölgədə, xüsusən də Cenin şəhərində təsirini artırmağa və İrana bağlı silahlıların təxribatçı hərəkətlərinin qarşısını almağa çalışır.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar