SON XƏBƏRLƏR

İran rəsmisindən qəribə iddia - İnsan haqlarına görə öndəyik

2025.01.27, 14:39
İran rəsmisindən qəribə iddia - İnsan haqlarına görə öndəyik

İran insan haqalrı sahəsində ciddi irəliləyişlər əldə edib.

Gunaz.tv

Bu iddianı İran Xarici İşlər Nazirliyinin hüquq və beynəlxalq məsələlər bölməsinin məsulu Kazım Qəribabadi səsləndirib.

O, Birləşmiş Millətlər Təşkilatının İnsan Hüquqları Şurasının Cenevrədə keçirilən iclası zamanı İranda hüquq pozuntuları barədə hesabatları təkzib edib.

İranda cinsiyyət ayrı-seçkiliyi olmadığını və qadın hüquqlarının qorunduğunu iddia edən Qəribabadi, BMT-nin İranda insan haqları üzrə xüsusi məruzəçisi May Satonun hesabtının "həqiqəti əks etdirmədini" söyləyib.

İnsan haqları müdafiəçiləri, Kazım Qəribabadinin çıxışını İranın ideoloji və siyasi təbliatı adlandırıb, insan haqları məsələsinə heç bir aidiyyəti olmadığını bildiriblər.

İclasda çıxış edən İsveçin nümayəndəsi bildirib ki, ölkəsi hələ də İranda insan haqlarının vəziyyəti, o cümlədən qadın və qızların vəziyyəti və edam hökmünün geniş yayılmasından dərin narahatdır.

Qeyd edək ki, İnsan haqları təşkilatlarının hesabatına görə, 2024-cü ildə İranda 1000-dən çox edam edilən məhbusun 930-nun kimliyini müəyyənləşdirmək mümkün olub və edam sayı 2023-cü illə müqayisədə 24% artıb.

Edam edilənlərin 31-i qadın və 5-i yetkinlik yaşına çatmayan şəxs olub.

GünazTV

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar