Contact Us

SON XƏBƏRLƏR

Moskvada “erməni batalyonu"nun yaradıcısına qarşı sui-qəsd

2025.02.03, 14:37
Moskvada “erməni batalyonu"nun yaradıcısına qarşı sui-qəsd

Moskvada “Alye Parusa” yaşayış kompleksində partlayış baş verib.

Gunaz.tv

GünazTV “AzPolitika”-ya istinadla xəbər verir ki, ilkin məlumata görə, bir nəfər ölüb, bir neçə nəfər isə yaralanıb.

Sakinlərin verdiyi məlumata görə, hadisə yerinə bir neçə təcili yardım briqadası və yanğınsöndürənlər cəlb edilib. Hadisə şahidləri partlayışın hündürmərtəbəli binanın lift foyesində baş verdiyini ehtimal edir.

Bundan əvvəl Rusiyanın telegram kanalları, “Alye Parusa” yaşayış kompleksinin şüşə qırıqları ilə dolu olan girişindən kadrlar yayıb. Kadrlarda yerdə bir kişinin uzandığı, ona tibbi yardm göstərildiyi görünür.

“Baza” telegram kanalı partlayış nəticəsində bir nəfərin öldüyünü, ən azı beş nəfərin yaralandığını iddia edir. TASS agentliyi isə fövqəladə hallar xidmətinə istinadla daha bir nəfərin öldüyünü bildirir.

Teleqram kanalları partlayıcı qurğunun işə salındığını və ya qumbaranın partladığını yazıb. Rusiya dövlət mediası cinayət işi açıldığını bildirib. Onlar partlayışı “teror aksiyası” adlandırıblar.

RBC-nin hüquq-mühafizə orqanlarındakı mənbəsi bildirir ki, əsas versiyaya görə, olay sifarişli qətl olub. Bundan əvvəl bir sıra KİV-lər ölən şəxsin üzünün ciddi zədələndiyini və onun şəxsiyyətini hələlik müəyyən etmək mümkün olmadığını yazmışdı.

Versiyalardan birinə görə, partlayışda ölən şəxs qondarma “DXR”in boks federasiyasının prezidenti, “erməni batalyonu”nun yaradıcısı kimi tanınan Armen Sarkisyandır. Bu bölmə Müdafiə Nazirliyinin nəzarətində olan “Redut” PMC-yə tabedir və Rusiyanın Ukraynaya hücumunda iştirak edib. Sarkisyanın öldüyü barədə ilk məlumatı onun kirayədə qaldığı mənzilin sahiblərinə istinadən "VÇK-OGPU" teleqram kanalı verib.

Hökumətyönlü “Mash” kanalı da yazır ki, baş verən partlayış Ukraynada axtarışda olan Armen Sarkisyana qarşı sui-qəsd ola bilər. Onun ağır yaralanaraq reanimasiyaya göndərildiyi iddia edilir. Oxşar məlumat “Baza” və “Şot” tərəfindən təsdiqlənib.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar