Contact Us

SON XƏBƏRLƏR

İranda enerji çatışmazlığına görə etirazlar başladı

2025.02.12, 11:46
İranda enerji çatışmazlığına görə etirazlar başladı

İranda enerji böhranının dərinləşməsi və başda Tehran olmaqla bir sıra şəhərlərdə elektrik enerjisinin ksilməsi səbəbindən etiraz aksiyaları keçirilib.

Gunaz.tv

Bu barədə xarici və müxalifət mediası məlumat yayıb.

Məlumata görə, ötən gecə Kohqiluye və Boyer Əhməd əyalətinin Dehdəşt şəhərinin mərkəzi meydanına toplaşan etirazçılar hökumət əleyhinə şüarlar səsləndiriblər.

"Ölüm olsun Xaməneiyə, "ölümolsun İslam respublikasına", "bu il qiyam ilidir, Seyyid Əlinin devriləcəyi ildir"  və başqa bu kimi şüarlar səsləndirən narazılardan 2-i qadın olmaqla 6 nəfəri həbs edilib.

Təhlükəsizlik məmurlarının həbs etdiyi Atifə Tahirniya, Cabir Fruqi, Kamran Buzəri, Əmir Hüseyn Cəfəri və Puya Bəratinin hara aparıldıqları barədə məlumat verilməyib, saxlanılan başqa etirazçı qadının isə kimliyini hələlik müəyyənləşdirmək mümkün olmayıb.

Qeyd edək ki, bu Dehdəştdə üçüncü etiraz aksiyasıdır və bundan əvvəl fevralın11-i gecə saatlarında da keçirilən aksiyada daha 4 nəfər həbs edilib.

Bununla eyni vaxtda Tehranda da eyni səbəbə görə oxşar aksiyalar keçirilib.

Belə ki, eleltrikin kəsilməsindən sonra Tehranın Narmək, Tehranpars, Pasdaran, Şəhrək-i Qərb və paytaxtın mərkəzi bölgələri qaranlığa qərq olub.

Enerji Nazirliyinin problemin həlli üçün vətəndaşlara elektrik və maye qazdan istifadəyə qənaət barədə çağırışından sonra, vətəndaşlar qaranlıq küçələrə, evlərinin damlarına və balkonlara çıxaraq hökumət leyhinə şüarlar səsləndiriblər.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar