İran parlamentinin qeyri-fars dillərlə bağlı qərarı etirazla qarşılandı

SON XƏBƏRLƏR

İran parlamentinin qeyri-fars dillərlə bağlı qərarı etirazla qarşılandı

2025.02.26, 15:23

İran parlamentində ölkə məktəblərində qeyri-fars dillərin məhdud tədrisini nəzərdə tutan qanun layihəsinin təsdiq olunmaması azərbaycanlı millət vəkillərinin də narazılığı ilə qarşılaşıb.

Gunaz.tv

Bu barədə yerli media məlumat yayıb.

Təbrizin İran parlamentindəki nümayəndəsi, mühafizəkar siyasi cərəyana mənsub olan Ruhullah Mütəfəkkir Azad, parlamentdəki çıxışında qanun layihəsinin qəbul edilməməsini tənqid edib.

Onunla yanaşı Şərqi Azərbaycan Nümayəndələr Məclisinin sədri Əlirza Novində oxşar yazılı bəyanatla çıxış edib və qanun layihəsinin təsdiq olunmaması üçün səsvermədən əvvəl dövlət nümayəndəsinin layihənin əleyhinə çıxış etdiyini, parlament üzvlərini qanun layihəsinə səs verməməyə təşviq etdiyini bildirib.

"Bu gün yerli və etnik dillərin ədəbiyyatının həftədə 2 saat tədrisini nəzərdə tutan qanun layihəsi səsə qoyulmamadan əvvəl dövlət nümayəndəsi onun əleyhinə çıxış etdivə təəssüflə parlamet üzvlərinin çoxu da onunla birgə qanun layihəsinə qarşı çıxdılar. Hər dəfə prezident seçkiləri ərəfəsndə onlar 15-ci maddənin icrası ilə bağlı vədlər versələr də, seçildikdən sonra bu yaddan çıxır. Bu dəfə isə Məsud Pezeşkian hökumətinin nümayəndəsinin türk dili və başqa etniklərin dillərinin tədrisinə qarşı çıxış etməsini gözləmirdik, ancaq bu belə oldu",- millət vəkili yazıb.

O, 15-ci maddənin icrasına mane olunduğu halda Fars Dili kademiyası ilə bağlı fərqli mövqe nümayiş etdirilməsini monopolist yanaşma adlandırıb, bunu milyonlarla başqa iranlının hüququnu pozmaq kimi dəyərləndirib.

Səsvermədən əvvəl çıxış edən Məsud Pezeşkianın parlament vitse-prezidentinin qanunvericilik məsələləri üzrə müavini vəzifəsinə təyin etdiyi Kazim Dilxoş Əbatəri millət vəkillərini qanun layihəsinin əleyhinə səs verməyə təşviq edib.

Səsləndirdiyi fikirlərin dövlətin rəsmi mövqeyi olduğunu vurğulayan Əbatəri, qeyri-fars xalqların ədəbiyyat və mədəniyyətinin tədrisinin ölkənin milli təhlükəsizliyinə də zidd olduğunu iddia edib.

"Həm də, bunun icrası üçün təcrübəli müəllimlərə, təhsil mütəxəssislərinə və maddi vəsaitə ehtiyac var. Bunların isə təmin edilməsi mümkün deyil".- Kazim Dilxoş Əbatəri bildirib.

Qeyd edək ki, bu gü İran parlamentinin açıq iclasında qetri-fars dillərin həftədə 2 saat tədrisini nəzərdə tutan qanun layyihəsi səsverməyə çıxarılıb.

Səsvermədə iştirak edən 246 millət vəkilinin 104-ü qanun layihəsinin lehinə, 130-u əleyhinə səs verib, 5 millət vəkili tərəfsiz olub, 7 nəfər isə səsvermədə iştirak etməyib.

GünazTV