Contact Us

SON XƏBƏRLƏR

İran kəşfiyyatı ilə əlaqəli israilli həbs edilib

2025.03.03, 12:29
İran kəşfiyyatı ilə əlaqəli israilli həbs edilib

Daha bir İsrail vətəndaşı İran kəşfiyyat məmurları ilə əlaqədə olmaq və Nəgəv Nüvə Araşdırmaları Mərkəzi ilə bağlı həssas məlumatları satmağa cəhd etməkdə ittiham edilərək həbs edilib. 

Gunaz.tv

Bu barədə “Israel HaYom” qəzeti məlumat yayıb.

Məlumata görə, Doron Buxobza adlı şəxs, İranın xüsusi xidmət orqanları ilə qəsdən əlaqə saxlamaqda və məxfi məlumatları satmağı təklif etməkdə ittiham olunur. Rəsmi məlumatlara görə, o, son aylarda İran kəşfiyyatçılarının göstərişi ilə tapşırıqlar yerinə yetirib və bunun müqabilində pul alıb.

İsrailin Cənub Bölgəsi Prokurorluğunun verdiyi məlumatda bildirilib ki, Buxobza həssas obyektlər haqqında məlumat verməklə yanaşı, bəzi yerlərin görüntülərini də İran tərəfinə göndərib. 

"Onun nüvə obyektlərinə birbaşa çıxışı olmasa da, verdiyi məlumatlar İsrailin təhlükəsizliyinə təhlükə yarada bilərdi",- məlumatda qeyd olunub.

Təqdim olunan ittiham aktına əsasən, adı çəkilən şəxs 2024-cü ilin dekabr ayında "teleqram" sosial şəbəkəsi vasitəsilə "İranın Beynəlxalq Gizli Agentliyi"nə bağlı hesablarla əlaqə saxlayıb.

Yayımlanan məlumata görə, bu ünsiyyət zamanı Buxubza İran tərəfdən rəqəmsal valyutada 1,057 dollar (3750 şekel) ekvivalentində məbləğ alıb və bu məbləği şəxsi hesabına köçürüb. 

Bu, onun İran kəşfiyyat orqanları ilə münasibətlərinin sadə söhbətdən kənara çıxdığını və əməkdaşlıq istiqamətində konkret addımlar atdığını göstərir.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar