Contact Us

SON XƏBƏRLƏR

Suriyanın yeni konstitusiyası ilə bağlı DETALLAR ORTAYA ÇIXDI

2025.03.03, 13:55
Suriyanın yeni konstitusiyası ilə bağlı DETALLAR ORTAYA ÇIXDI

Suriyanın yeni konstitusiya layihəsinin məzmunu aydınlaşmağa başlayır.

Gunaz.tv

Prezident Əhməd Şara açıqlamasında keçid dövrü üçün konstitusiya layihəsini hazırlamaq üçün komissiya yaratdığını açıqlayıb.

“Suriya xalqının qanunun aliliyinə əsaslanan dövlət qurmaq istəyinə və Suriya Milli Dialoq Konfransının nəticələrinə əsaslanaraq, prezident keçid prosesini tənzimləyəcək konstitusiya bəyannaməsi layihəsini hazırlamaq üçün ekspertlər komitəsinin yaradılması haqqında fərman verib”, - deyə məlumatda bildirilir.

GünazTV xəbər verir ki, Əl-Cəzirə ilə danışan bəzi mənbələr konstitusiya layihəsində təəccüblü detalların olduğunu bildirib.

Bundan sonra Suriyada kim dövlət başçısı olarsa, ondan “müsəlman” olması tələb olunacaq. Bu, konstitusiyanın ilk maddələrindən biri olacaq.

Digər detallar aşağıdakı kimi sadalanır:

 

- Konstitusiya bəyannaməsi layihəsinin dərcindən sonra 60 gün ərzində prezident Xalq Məclisini təyin edəcək.

- Məclisin 100 üzvü olacaq, ədalətli təmsilçilik və müvafiq səlahiyyətlər ilə təmin ediləcək.

- Prezident məclis üzvlərini fərmanla iki il müddətinə təyin edəcək.

- Gələcək qanun çərçivəsində milli prinsiplərə əsaslanan siyasi partiyalara icazə veriləcək.

- Suriyanın prezidenti eyni zamanda ölkənin Ali Baş Komandanı olacaq.

- Prezident ordunun və silahlı qüvvələrin baş komandanı olacaq.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar