Traxtur uduzdu, rəqib komanda təhqiramiz paylaşım etdi

SON XƏBƏRLƏR

2025.03.12, 14:46

Təbrizin Traxtur klubu Asiya Çempionlar Liqasının 1-ci yarımfinalı çərçivəsində Səudiyyə Ərəbistanının Əl-Tavun komandası ilə qarşılaşıb.

Gunaz.tv

Martın 11-də Səudiyyə Ərəbistanının Borridə şəhərində keçirilən cavab qarşılaşmasının əsas və əlavə vaxtı 2-2 hesabı ilə başa çatıb.

Penalti zərbələrindən 4-2 hesabı ilə qalib ayrılan Əl-Tavun növbəti mərhələyə adlayan tərəf olub.

Qeyd edək ki, tərəflər arasında Təbrizdə keçirilən ilk görüş 0-0 hesabı ilə başa çatmışdı.

Oyundan sonra Əl-Tavun koandası Traxturla bağlı təhqiramiz paylaşım edib.

Belə ki, hazırlanan posterdə Səudiyyə Ərəbistanının komandası qurd, Təbriz təmsilçisi isə onun pəncələri altında əzilən tülkü kimi təsvir olunub.

Başqa posterd isə, ön fonda iki ərəb oyunçusu, arxa fonda isə yanan Traxtur üzərində dayanan qurd təsvir olunub.