“Könüllülər koalisiyası” Brüsseldə toplanır

SON XƏBƏRLƏR

“Könüllülər koalisiyası” Brüsseldə toplanır

2025.04.10, 12:24

Ukrayna üçün yeni mərhələ: “Könüllülər koalisiyası” Brüsseldə toplanır

Gunaz.tv

Aprelin 10-da NATO-nun Brüssel qərargahında “könüllülər koalisiyası” formatında müdafiə nazirlərinin ilk görüşü keçiriləcək. Bu formatda keçiriləcək iclasda məqsəd Ukraynada uzunmüddətli sülhün təmin edilməsinə dəstək verməkdir.

GünazTV Musavat.com-a istinadən xəbər verir ki, bu barədə Böyük Britaniyanın Müdafiə Nazirliyindən məlumat verilib.

Məlumata görə, iclas Böyük Britaniya və Fransa hərbi rəhbərlərinin ötən həftə sonu Kiyevə etdiyi səfərdən sonra təşkil olunur. Britaniyanın müdafiə naziri Con Hili və onun fransalı həmkarı Sebastyan Lekornü Brüsseldə təxminən 30 ölkənin nümayəndəsini qəbul edəcək. Görüş zamanı Ukraynaya dəstək məqsədilə çoxmillətli yardım qüvvələrinin formalaşdırılması ilə bağlı əməliyyat müzakirələri aparılacaq.

Böyük Britaniyanın Müdafiə Nazirliyi bəyan edib ki, iclaslar “hər bir ölkənin imkanlarının Ukraynanın uzunmüddətli müdafiəsi və təhlükəsizliyi üçün ən yaxşı şəkildə necə səfərbər edilə biləcəyinə” fokuslanacaq.

Qeyd edək ki, aprelin 11-də – yəni ertəsi gün, Böyük Britaniya və Almaniyanın rəhbərliyi ilə “Ramştayn formatı” çərçivəsində daha geniş – 50 ölkənin müdafiə nazirlərinin iştirakı ilə növbəti görüş keçiriləcək.

Ş.E

GUNAZ.TV

SON XƏBƏRLƏR