İran XİN Argentinaya etiraz notası verib

SON XƏBƏRLƏR

İran XİN Argentinaya etiraz notası verib

2025.04.16, 11:13

Argentinanın Tehrandakı müvəqqəti işlər vəkili Xorxe Mariano Cordan İran Xarici İşlər Nazirliyinə (XİN) çağırılaraq rəsmi Buenos Ayresin İslam Respublikası rəsmilərinə qarşı irəli sürülən son ittihamlarla bağlı etiraz bildirilib.

Gunaz.tv

Bu barədə İran mediası məumat yayıb.

Bildirilib ki, İran Xarici İşlər Nazirliyinin Amerika ölkələri üzrə baş direktoru İsa Kameli müvəqqəti işlər vəkilinə İran İslam Respublikasının etirazını bildirən rəsmi notanı təqdim edib.

Baş direktor rəsmi Tehranın Argentina məhkəmə sistemi və rəsmi hakimiyyət orqanları tərəfindən İranın dövlət məmurlarına qarşı irəli sürülən əsassız ittihamları rədd etdiyini və pislədiyi bildirib.

Bu, 1994-cü ildə Argentinada yəhudi mərkəzində partlayışla bağlı argentinalı prokurorun Əli Xamneyinin beynəlxalq həbsinə order verilməsi tələbi ilə bağlıdır.

Qeyd edək ki, 18 iyun 1994-cü ildə Argentinanın paytaxtında İrana bağlı terrorçular Yəhudilərin Yardım Mərkəzi (AMİA) binasına bomba qoyaraq 85 yəhudinin ölümünə, 300-dən çox yəhudinin yaralanmasına səbəb olublar.

Bir neçə gün əvvəl isə İranın terrorda əli olduğunu deyən prokuror Sebastian Basso hakim Daniel Rafkasdan Xamənei üçün İnterpolun həbsinə order verilməsini istəyib.

İş üzrə yeni prokuror həmçinin iş üzrə digər iranlı və livanlı müttəhimlərin də qiyabi mühakimə olunmasını tələb edib.

Prokuror öz müraciətində vurğulaıb ki, bu təqib qərarı müttəhimlərin Hizbullaha bağlı gizli silahlı təşkilata dəstək verməsi və onilliklər ərzində insanların həyatına və əmlakına qarşı saysız-hesabsız hücumlar, o cümlədən AMİA-ya hücum təşkil etdiklərinə görə verilməlidir.

GUNAZ.TV

SON XƏBƏRLƏR