İran Beynəlxalq Mülki Aviasiya Təşkilatının qərarından şikayətləndi

SON XƏBƏRLƏR

İran Beynəlxalq Mülki Aviasiya Təşkilatının qərarından şikayətləndi

2025.04.18, 11:44

İran 176 nəfərin həyatını itirdiyi Ukrayna sərnişin təyyarəsi ilə bağlı Beynəlxalq Mülki Aviasiya Təşkilatında (ICAO) Kanada, İsveç, Ukrayna və Böyük Britaniyanın başlatdığı prosesi Beynəlxalq Ədalət Məhkəməsinə (ICJ) yönəldib.

Gunaz.tv

İran 8 yanvar 2024-cü ildə Kanada, İsveç, Ukrayna və Böyük Britaniyanın Beynəlxalq Mülki Aviasiya Təşkilat Şurasında ona qarşı başlatdığı hüquqi prosesə etiraz edərək Beynəlxalq Ədalət Məhkəməsinə müraciət edib.

Müvafiq olaraq, İran Məhkəmədən Beynəlxalq Mülki Aviasiya Təşkilat Şurasının hüquqi prosesi başlatmaq səlahiyyətlərinin olmadığı, Böyük Britaniyanın hüquqi prosesdə iştirak etmək hüququnun olmadığını və Beynəlxalq Mülki Aviasiya Təşkilatının səsvermə prosedurunun ədalətsiz olduğunu müəyyən etməsini istəyir.

İran BƏM-dən 1944-cü il Çikaqo Konvensiyasının 84-cü maddəsinə uyğun olaraq apellyasiya məhkəməsi kimi fəaliyyət göstərməsini və ICAO-nun qərarını etibarsız hesab etməsini xahiş edib.

Xatırladaq ki, Kanada, İsveç, Ukrayna və Böyük Britaniya qəzada ölən vətəndaşlarına görə ötən il İrana qarşı ICAO-ya iddia qaldırmışdı.

Bu ölkələr 2024-cü il yanvarın 8-də Çikaqo Konvensiyasının 84-cü maddəsinə əsasən, uçuş zamanı mülki təyyarəyə qarşı silah tətbiq edilməsi ilə bağlı hüquqi prosesə başlayıb və ötən iyun ayında bu məsələni Beynəlxalq Ədliyyə Məhkəməsinə aparacaqlarını bəyan ediblər.

Iran says 10 indicted over shooting down of Ukraine airliner - Los Angeles Times

Təyyarə necə vuruldu?
Ukrayna Hava Yollarına məxsus Boeing 737-800 tipli sərnişin təyyarəsi 8 yanvar 2020-ci ildə İmam Xomeyni hava limanından Tehran-Kiyev reysi ilə havaya qalxdıqdan təxminən 3 dəqiqə sonra İran İnqilab Keşikçiləri tərəfindən iki raketlə vurulub.

Hadisə İranın İraqdakı Qüds Qüvvələrinin komandanı general Qasım Süleymaninin ABŞ tərəfindən öldürülməsindən sonra yanvarın 8-nə keçən gecə İranın ABŞ bazalarına cavab hücumu həyata keçirdiyi və İran ordusunun mümkün əks-hücumlara qarşı hazır vəziyyətdə olduğu bir vaxtda baş verib.

Şahin Elxanoğlu

GUNAZ.TV

SON XƏBƏRLƏR