Contact Us

SON XƏBƏRLƏR

İsveç İrandan güneyli alimin azad edilməsini tələb etdi

2025.04.26, 10:00
İsveç İrandan güneyli alimin azad edilməsini tələb etdi

İsveç hökuməti hazırda Tehranın Evin həbsxanasında saxlanılan edama məhkum edilmiş İran-İsveç ikili vətəndaşlığı olan Əhmədrza Calalinin dərhal azad edilməsini tələb edib.

Gunaz.tv

Bu, Calalinin həbsxanadan yaydığı və tamamilə məhv olmaq ərəfəsində olduğunu bildirən mesajından sonra baş verib.

İsveçin xarici işlər naziri Mariya Malmer Stenerqard özünün X sosial media hesabında Əhmədrza Calalinin həbsinin üstündən 9 il keçdiyini diqqətə çatdırıb:

"Biz Əhmədrza Calalinin vəziyyətinin çox ağır olduğu barədə məlumat aldıqdan dərhal sonra mart ayında İranın İsveçdəki səfirini XİN-ə çağırıb və Tehran hökumətindən alimin humanist səbəblərə görə ailəsinə qovuşmaq üçün sərbəst buraxılmasını istədik".

Qeyd edək ki, əslən Güney Azərbaycanın Sarab mahalından olan İsveç vətəndaşı Əhmədrza Calali 2016-cı ilin aprel ayında Tehran və Şiraz universitetlərinin dəvəti ilə elmi konfransa qatılmaq üçün İrana səfər etdikdən sonra həbs edilib.

2017-ci ilin sentyabr ayında Tehran İnqilab Məhkəməsi azərbaycanlı alimi "İsrailə casusluq" ittihamına görə edama məhkum edib və qərar İran Ali Məhkəməsi tərəfindən də təsdiq olunub.

Calali barəsində irəli sürülən casusluq ittihamını rədd edib, ondan saxta etiraf almaq üçün işgəncələrə məruz qaldığını bildirib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar