Contact Us

SON XƏBƏRLƏR

Amerika balistik yanacaq təminatına görə İran və Çinə sanksiyalar tətbiq etdi

2025.04.30, 09:36
Amerika balistik yanacaq təminatına görə İran və Çinə sanksiyalar tətbiq etdi

Amerika Maliyyə Nazirliyi İran İnqilabı Keşikçiləri Korpusunun (SEPAH) ballistik raket yanacağı üçün xammal təmin edən şəbəkədə iştirak etdiklərinə görə İran və Çində yerləşən altı şəxs və altı quruma sanksiya tətbiq edib.

Gunaz.tv

Bu barədə qurumun mətbuat açıqlamasında deyilir.

“Bu gün Amerika Maliyyə Nazirliyinin Xarici Aktivlərə Nəzarət İdarəsi (OFAC) İran və Çində altı qurum və altı şəxsə qarşı İslam İnqilabı Keşikçiləri Korpusunun (SEPAH) maraqları naminə ballistik raket yanacağı komponentlərinin əldə edilməsi şəbəkəsindəki rollarına görə sanksiyalar tətbiq edib”, – Maliyyə Nazirliyi açıqlayıb.

Sanksiyalar xüsusilə İranda yerləşən “Saman Tejarat Barman Trading Company” (STB) şirkətinə qarşı tətbiq edilib ki, bu şirkət “SEPAH”ın maraqları üçün Çində yerləşən və qara siyahıya daxil edilən “Shenzhen Amor Logistics Co Ltd” şirkətindən natrium perxlorat alıb. Məhdudiyyətlər STB ilə əlaqəli altı şəxsə qarşı tətbiq edilib.

Sanksiyalar həmçinin STB-ni başqa bir maddə – dioktilebatsinat ilə təmin edən “Dongying Weiaien Chemical Co Ltd” şirkətinə də tətbiq edilib.

"İranın hücum xarakterli raket və digər silah imkanlarını inkişaf etdirməsi Amerika və tərəfdaşlarımızın təhlükəsizliyini təhlükə altına qoyur, Yaxın Şərqdə sabitliyi və bu texnologiyaların yayılmasının qarşısını almaq üçün beynəlxalq müqavilələri pozur",- Amerika Maliyyə Naziri Skott Besant açıqlamasında deyib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar