İran şəhərsalma nazirinin impiçment olunması təklif edilir

SON XƏBƏRLƏR

İran şəhərsalma nazirinin impiçment olunması təklif edilir

2025.04.30, 11:37

İran parlamenti ölkənin cənubundakı Şəhid Rəcai limanında baş vermiş partlayışa səbəb olan səhlənkarlıqla bağlı yollar və şəhərsalma naziri Fərzaneh Sadiqə qarşı impiçment proseduruna başlayıb.

Gunaz.tv

GünazTV xəbər verir ki, bu barədə İran parlamentinin İctimai işlər komitəsinin üzvü Məhəmməd Mənan Rəisi "Tasnim"ə müsahibəsində deyib. Məhəmməd Mənan Rəisi bildirib ki, impiçment proseduru Qum təmsilçisinin təşəbbüsü ilə həyata keçirilib.

Məhəmməd Manan Rəisi dünən parlamentin qanunvericilik sistemində impiçment təklifini qeydə alıb. Rəisinin sözlərinə görə, Fərzaneh Sadiqə qarşı impiçment tələbinin 8 səbəbi var:

1. Limanlar Təşkilatındakı passivlik və səhlənkarlıq,

2. Mənzillərin qeydiyyatı sisteminin bağlanması və insanların qanuni hüquqlarından məhrum edilməsi,

3. "Gənclərin Əhali haqqında" qanuna uyğun vəzifələrin yerinə yetirilməməsi,

4. Nazirliyin qanunların icrasında çox zəif fəaliyyəti,

5. Mənzil bazarında vəziyyəti tənzimləyə bilməməsi,

6. Dəfələrlə işdən çıxarılma və təyinatlarda plansızlıq,

7. Dəfələrlə qanun pozuntusuna yol verilməsi,

8. Nazirlikdəki mühüm hadisələrdən xəbərsiz olması”.

Qanuna görə, impiçment proseduruna baxılması üçün 10 imza kifayətdir, lakin, dünən axşama olan məlumata görə, artıq 40-dan çox imza yığılıb.

İmpiçment təklifinin səbəbi nədir?

Dünən Mənan Rəisi Fərzaneh Sadiqənin impiçmentinin səbəblərini izah edən çıxışlarının iki videosu yayılıb. Manan Rəisi deyib: "Fərzaneh Sadiqə mənzil tikintisi sahəsində səhvlər edib, amma onun səhvləri bunla kifayətlənmir. O, mənzil qeydiyyat sistemini kilidləyib. 14-cü hökumətin əvvəlindən mənzil qeydiyyat sistemini bağlayıblar. Bununla bağlı cənab prezidentə məktub yazdım və bunun konstitusiyaya zidd olduğunu bildirdim. On ay keçdi və onlar sistemi hələ də açmırlar. Biz xalqdan bir addım öndə olmalı deyilikmi? Başa düşməli deyilik ki, bu sistem bağlanıb, mənzil verilmir və gələn il bizdə mənzil inflyasiyasında partlayış olacaq?"

Mənan Rəisi Limanlar və Dəniz Təşkilatı haqqında da danışıb: “Şəhid Rəcai Limanındakı (Bəndər Abbas limanı) vəziyyəti görmüsünüzmü? Heç kimin xəbəri olmadan Limanlar Təşkilatına təcrübəsiz insanı rəhbər edirsiniz! Fərzaneh Sadiqə şərəfli, hörmətli və təcrübəli insandır, lakin Limanlar Təşkilatı ilə bağlı bir günlük təcrübəsi belə yoxdur."

Şahin Elxanoğlu

GUNAZ.TV

SON XƏBƏRLƏR