İran rejimindən ölkədəkı enerji çatışmazlığına yeni həll

SON XƏBƏRLƏR

İran rejimindən ölkədəkı enerji çatışmazlığına yeni həll

2025.05.07, 14:32

İranda enerjiyə qənaət çərçivəsində rəsmi qurumlarda yay iş saatları tətbiq olunacaq

Gunaz.tv

GünazTV Anadolu Agentliyinə istinadla xəbər verir ki, İran hökumətinin sözçüsü Fatma Mühacirani dövlət qurumlarında yay iş saatının şənbə günündən başlayacağını açıqlayıb. Mühacirani X sosial media platformasında məsələ ilə bağlı yazılı açıqlama verib. "Dövlət idarələri və dövlət qurumlarının iş saatları mayın 10-u şənbə günü saat 06:00-13:00 arasında olacaq", - İran rəsmisi bildirib.

İranın elektrik paylayıcı şirkəti Tevanir-in baş direktoru Mustafa Rəcəbi Məşhədi dövlət televiziyasında verdiyi açıqlamada enerjiyə qənaət tədbirləri çərçivəsində görülən tədbirləri açıqlayıb.

Abunəçilərin istifadə limitini aşması halında hər 20 dəqiqədən bir 1 saat elektrik kəsilməsi tətbiq ediləcək. Yeni qaydalar smart sayğaclar vasitəsilə tətbiq ediləcək.

"Dünən Tehranda 700-ə yaxın bankın elektrik enerjisi istehlak həddini aşdığı aşkar edildikdən sonra onlara verilən elektrik enerjisi dayandırılıb", - Məşhədi bildirib. İran rəsmisi elektrik enerjisinin əhaliyə ədalətli şəkildə çatması üçün yaşayış, ticarət və inzibati abonentləri qənaət etməyə çağırıb.

Dünyanın ən böyük təbii qaz və neft ehtiyatlarına malik ölkələrdən biri olan İran son aylarda iqtisadi sanksiyaların ağır təzyiqi, qeyri-standart infrastruktur və sürətlə artan enerji tələbi səbəbindən enerji böhranı yaşayır.

İranda enerji tələbatı xüsusilə isti havalarda kondisionerlərdən istifadə olunduğu zaman pik həddə çatır. Ölkədə enerjiyə qənaət praktikası geniş yayıldıqca, səlahiyyətlilər resurslardan səmərəli istifadə etməyə çağırırlar.

Şahin Elxanoğlu

GUNAZ.TV

SON XƏBƏRLƏR