Contact Us

SON XƏBƏRLƏR

500 milyon dollarlıq ziyan belə görünür - Sanadakı dağıdılmış terminaldan GÖRÜNTÜLƏR

2025.05.08, 14:06
500 milyon dollarlıq ziyan belə görünür - Sanadakı dağıdılmış terminaldan GÖRÜNTÜLƏR

Terminallar, texniki avadanlıqlar və 6 təyyarə məhv edilən İsrail hücumundan sonra Səna hava limanına 500 milyon dollar ziyan dəydiyi açıqlanıb. 

Gunaz.tv

Aeroport rəhbərliyindən verilən açıqlamaya görə, dəymiş zərərin aradan qaldırılması üçün xərclər təxminən yarım milyard dollar qiymətləndirilir və ağır dağıntıya görə hava limanı növbəti xəbərdarlığa qədər bütün uçuşları dayandırıb.

Səna hava limanının direktoru bəyan edib ki, İsrailin hücumu nəticəsində terminal binaları, o cümlədən bütün avadanlıqlar dağılıb. Onun sözlərinə görə, “İsrailin Səna hava limanına təcavüzü nəticəsində 500 milyon dollara yaxın ziyan dəyib”. O əlavə edib ki, Yəmən Hava Yolları 3 təyyarəsini itirib, ümumilikdə 6 təyyarə isə hücum zamanı məhv edilib.

Husilər Səna hava limanına hücumdan sonra qisas təhdidləri ilə açıqlamalar paylaşıblar. Qrup tərəfindən yayılan posterlərdə “Hayfa limanında sürpriz gözləyin” xəbərdarlığı İsrail infrastrukturuna potensial hücumlara işarə edir. Yüksək səviyyəli Husi rəsmisi Məhəmməd əl-Buxaiti Əl-Ərəbiyə verdiyi müsahibədə, "Eskalasiya eskalasiya ilə qarşılanacaq. Amerika, Böyük Britaniya və İsrailə qarşı apardığımız mübarizə davam edəcək. Hələ hücum etmədiyimiz bir çox İsrail infrastrukturu var." Husi rəsmisi Hezam əl-Əsəd zərbələri “alçaq cinayət” adlandırdı.

Səna hava limanına hücumdan sonra sosial şəbəkələrdə paylaşılan görüntülər hücumun geridə buraxdığı dağıntıların miqyasını aydın şəkildə göstərir. 

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar