Contact Us

SON XƏBƏRLƏR

Tramp Qətərin hədiyyə təyyarəsinin Pentaqona veriləcəyini açıqladı

2025.05.14, 12:33
Tramp Qətərin hədiyyə təyyarəsinin Pentaqona veriləcəyini açıqladı

Tramp Qətərin hədiyyə etdiyi "Boeing 747" təyyarəsi ilə bağlı Truth Social-da paylaşım edib.

Gunaz.tv

Təyyarənin ona deyil, Amerika Hərbi Hava Qüvvələrinə, yəni Pentaqona hədiyyə olduğunu vurğulayan Tramp, "Bu, uzun illərdir müdafiə etdiyimiz Qətərin bir hədiyyəsidir" ifadəsini vurğuladı.

Tramp qeyd edib ki, hədiyyə edilən təyyarə “çatdırılması gecikmiş Boeing təyyarələri gələnə qədər” prezident təyyarəsi olan Air Force One kimi istifadə olunacaq.

"Yaxşı iş gördüyümüzə görə bizi mükafatlandıran bir ölkədən pulsuz təyyarə ala bildiyimiz halda, niyə ordumuz, vergi ödəyicilərinin yüz milyonlarla dollarını təyyarə almaq üçün ödəməlidir? Əvəzində bu qənaət Amerikanı yenidən möhtəşəm etmək üçün istifadə olunacaq. Bu hədiyyəni ancaq axmaq qəbul etməz", - Prezident Tramp deyib.

New York Times-ın (NYT) məlumatına görə, adının açıqlanmasını istəməyən Qətərli səlahiyyətli, təklifin hələ müzakirə mərhələsində olduğunu, Ağ Evin açıqlamasında isə qəbul edilən hədiyyələrin qanuna uyğun olaraq alınacağının vurğulanıb.

Tramp, iddialarla bağlı açıqlamasında Pentaqonun 40 illik prezident təyyarəsi Air Force One yerinə Boeing 747-8 təyyarəsini qəbul edəcəyini bildirib və yeni təyyarənin "tamamilə pulsuz" olacağını vurğulayıb.

Konqresin Demokrat üzvləri təyyarənin qiymətinin 400 milyon dollar civarında olduğuna diqqət çəkərək, Trampın vəzifədən getdikdən sonra təyyarədən istifadəyə davam etməsinin etik olub-olmadığını şübhə altına almışdı.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar