GünazTV xəbər verir ki, “The Guardian” Traktor klubunun İran Liqasında çempion olması ilə bağlı geniş məqalə hazırlayıb.

“The Guardian” nəşri bildirib ki, Təbriz şəhərinin məşhur klubu olan Traktor 55 illik gözləntidən sonra nəhayət İran Pro Liqasının çempionu olub. Bu nailiyyət yalnız idman baxımından deyil, həm də mədəni və siyasi simvolizm baxımından çox mühümdür. Klubun uğuru, özlərini uzun illərdir mərkəzi hökumətdən və futbol qurumlarından kənarlaşdırılmış hiss edən milyonlarla Azərbaycan türkünü təmsil edir.

Fars mərkəzli siyasət yürüdən İran rejimi tərəfindən uzun illər boyu ayrı-seçkiliyə məruz qalmış öz dilinə, mədəniyyətinə və tarixinə malik olan xalq futbol klubunu dəstəkləyərək qürurunu və kimliyini qorumağa çalışır.

1970-ci ildə dövlətə məxsus Traktor istehsalı müəssisəsi tərəfindən yaradılan klub, zamanla İranın türkdilli əhalisi üçün bir identiklik simvoluna çevrilib. Azarkeşləri yalnız futbol üçün deyil, eyni zamanda mədəni haqlar və kimlik üçün stadiona toplaşırlar. Bəzi oyunlarda siyasi şüarlar səsləndirildiyi üçün İran rejimi ilə klub rəhbərliyi arasında gərginliklər yaşanıb.

Təəccüblü deyil ki, azarkeşlər başqa ölkələrin paytaxtlarının adlarını çəkərək şüarlar səsləndirəndə Tehranın qəzəbi ilə üzləşir. “Təbriz, Bakı, Ankara, bizim yolumuz farsların yolundan başqa yerə aparır”. “Fars körfəzinin” “Ərəb körfəzi” adlandırılmalı olduğunu səsləndirməklə həm də paytaxtdakıları narahat etmək üçün etibarlı bir yoldur. Çünki Donald Tramp və onun administrasiyası buna cəhd edib-etməyəcəklərini hesablayırlar.

Milli komandanı dəstəkləmək üçün toplaşan böyük izdihamdan ehtiyatlanan İran rejimi Traktorun cəlbetmə gücündən ehtiyatlanır. Traktor klubunun bu mövsüm orta hesabla 42.000-dən çox izləyicisi olub. Persepolis və İstiqlal klubları ilə qarşılaşmaq üçün Tehrana səfərlər zamanı minlərlə insan Azadi Stadionunda yığışaraq Traktor klubunu dəstəkləyib.

Traktor İran tarixində bütün liqa titullarının təxminən üçdə ikisinin qalibi olan Persepolis və İstiqlalı qıcıqlandırmaq üçün futbolla bağlı şüarlar səsləndirir. Mayın 2-də Şəms Azarda 4:0 hesablı qələbə qanaraq çempionluğu rəsmiləşdirdi. Təbrizdə və bölgənin digər şəhərlərində azarkeşlər küçələrə çıxaraq çempionluğu qeyd ediblər.

2018-ci ildə klub İranın ən zəngin iş adamı Məhəmmədrza Zunuzinin mülkiyyətinə keçib. Zunuzi kluba böyük investisiyalar yatırıb, tanınmış oyunçular və məşqçilər gətirib. Buna baxmayaraq, ilk illərdə klub uğursuzluq yaşayıb, baş məşqçi dəyişiklikləri nəticə verməyib. Nəhayət, İran millisinin keçmiş məşqçisi Draqan Skociç rəhbərliyə gəldikdən sonra komanda sabitlik tapıb və liqanı zirvədə başa vurub.

Skoçiç İranın əsas qapıçısı Əlirza Beyranvəndlə yanaşı, Mehdi Torabi, Danial Esmaeilifər və Şoca Xəlilzadəni də heyətinə qatıb. Bunlar son onilliyin böyük adları olmasa da onlar təcrübəli və gələcəyi parlaq oyunçular kimi görünürdü.

Traktor indi Asiya Çempionlar Liqasının elit mərhələsində İranı təmsil edəcək. Bu, klub üçün beynəlxalq səviyyədə tanınmaq və öz mövqeyini gücləndirmək üçün bir fürsətdir. Bu uğur eyni zamanda İran futbol sistemindəki təkcə idman deyil, ictimai və mədəni dəyişikliklərin də göstəricisidir.

Şahin Elxanoğlu