Tehran nüvə silahı əldə etməyə çalışır

SON XƏBƏRLƏR

Tehran nüvə silahı əldə etməyə çalışır - Avstriya kəşfiyyatı

2025.05.29, 11:56

İslam Respublikası nüvə silahı proqramını fəal şəkildə inkişaf etdirməyə davam edir, bu proqram uzaq mənzilli raketlərin buraxılması üçün istifadə oluna bilər.

Gunaz.tv

Bunu "Fox news" Avstriya kəşfiyyatının hesabatına istinadən yazıb.

“Regional ambisiyalarını inkişaf etdirmək və möhkəmləndirmək üçün İslam Respublikası rejimi hərbi hücumlardan qorunmaq, Yaxın Şərqdə və onun hüdudlarından kənarda hökmranlığını gücləndirmək üçün nüvə silahı əldə etmək səyləri də daxil olmaqla, geniş silahlanmanı davam etdirir”,- hesabatda bildirilib.

"Fox news" bu hesabatın Amerika Milli Kəşfiyyat İdarəsinin qiymətləndirməsi ilə ziddiyyət təşkil etdiyini qeyd edib.

Avstriya kəşfiyyatının hesabatına görə, İranın nüvə silahının inkişafı proqramı qabaqcıl mərhələyə çatıb və ölkədə nüvə başlıqları daşıya bilən uzaqmənzilli ballistik raketlərin arsenalı artıb.

Kəşfiyyat hesabatında Tehran hökumətinin sanksiyalardan yayınmaq üçün cəhdlərinin də davam etdirildiyi diqqətə çatdırılıb:

“İslam Respublikası sanksiyalardan yan keçmək üçün qabaqcıl şəbəkələr yaradıb ki, bu da Rusiyanın xeyrinə işləyir”.

"Fox News"-un məlumatına görə, Avstriya kəşfiyyatının tapıntıları Amerika və İslam Respublikası arasında nüvə böhranının həlli istiqamətində aparılan danışıqlarda problem yarada bilər. Ona görə ki, bu hesabatda təqdim olunan məlumatlar İslam Respublikasının nüvə silahı əldə etmək səylərindən əl çəkmək niyyətində olmadığını göstərir.

GünazTV

GUNAZ.TV

SON XƏBƏRLƏR