Pezeşkian su problemi ilə bağlı xəbərdarlıq etdi, israilli nazir vəd verdi

SON XƏBƏRLƏR

2025.07.21, 10:06

Su böhranı danışılanlardan daha ciddidir və bu gün təcili çıxış yolu tapmasaq, gələcəkdə çarəsiz vəziyyətə düşəcək, heç bir həll yolu tapmayacağıq.

Gunaz.tv

Bunu İran Prezidenti Məsud Pezeşkian deyib.

O, çıxış yollarından biri kimi vətəndaşların sudan istifadədə qənaət etməsi olduğunu bildirib:

"Su sahəsində idarəetmə və planlaşdırmadan əlavə, həddindən artıq istehlak haqqında da düşünməliyik".

Pezeşkianın xəbərdarlıq çıxışından sonra İsrailin energetika naziri Eli Koen iranlılara dəstək vədi verib.

“Mən sənin əziyyətini görürəm və bilirəm ki, içməli suyunuz belə yoxdur. İslam Respublikası bunun birbaşa səbəbkarıdır”,- nazir deyib.

O, molla rejimi devrildikdən sonra İsrailin iranlılara dəstək verəcəyini bildirib:

"Bu rejim devrildiyi gün iranlılar İsrailin qabaqcıl su texnologiyalarından yararlana biləcəklər".

Qeyd edək ki, hazırda İranın bir çox bölgələrində anbarlarda olan su miqdarı kəskin azalıb və su qıtlığı yaşanır.

Son həftələrdə temperaturun yüksəlməsi və quraqlığın davam etdiyi bir vaxtda müxtəlif şəhərlərdə içməli suyun verilişi tez-tez kəsilir.

Bununla belə, İran rəsmiləri böhranın yaranmasına görə xalqı günahlandırıb, onları dəfələrlə “suya qənaət etməyə” çağırıb.

GünazTV