Contact Us

SON XƏBƏRLƏR

Ərdəbilli jurnalist Meysəm Rəşidi  həbs edilib

2025.08.06, 10:06
Ərdəbilli jurnalist Meysəm Rəşidi  həbs edilib

Avqustun 5-də yerli polis qüvvələri avqustun 5-də ərdəbilli jurnalist və sosial media fəalı Meysəm Rəşidini həbs ediblər.

Gunaz.tv

Bu haqda Azad İnformasiya Axınını Müdafiə Təşkilatı məlumat yayıb.

Məlumata görə, M.Rəşidi Ərdəbil merinin şikayəti əsasında saxlanılıb.

Onun Ərdəbil merinin fəaliyyətləri haqqında tənqidi paylaşımlarına görə saxlanıldığı bildirilsə də,
barəsində irəli sürülən ittihamlar haqda açıqlama verilməyib.

Ərdəbil meriyası məsələ ilə bağlı yaydığı bəyanatda jurnalistin həbsinin dövlət qurumunun şikayəti əsasında baş vermədiyini, bunun "şəxsi zəmində" olduğunu iddia etsə də, bəyanatın davamında onu tutdurduqlarını etiraf edib:

"Meysəm Rəşidi Ərdəbil meri və Ərdəbil Şəhər Şurasının fəaliyyətini şübhə altına alan yazılar dərc etdikdən, ona edilən xəbərdarlıqlara əhəmiyyət vermədikdən sonra saxlanılıb".

Meysəm Rəşidi bundan əvvəl tənqidi yazı və paylaşımlarına görə təzyiqlərə məruz qalıb.

O, sonuncu dəfə cari ilin mart ayıda Ərdəbil futbol komandasının acınacaqlı vəziyyətə salınmasına görə meriyanı tənqid etdiyinə görə ağır döyülüb və bədən xəsarətləri alıb.

Meysəm Rəşidi bundan əvvəl Ərdəbilin "Qartal" xəbər platformasının müxbiri olub.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar