Contact Us

SON XƏBƏRLƏR

Urmu gölü əvvəlki vəziyyətinə qayıtmayacaq- Zəhrai

2025.08.08, 12:23
Urmu gölü əvvəlki vəziyyətinə qayıtmayacaq- Zəhrai

Ola bilsin ki, Urmu gölü artıq geri dönüşü olmayan bir nöqtəyə çatıb və biz heç vaxt Urmu gölünü əvvəlki vəziyyətinə qaytara bilməyəcəyik.

Gunaz.tv

Bunu Tehran Universitetinin Su İnstitutunun direktoru Bənövşə Zəhrai deyib.

O, gölün qurumasının əsas səbəbinin əkin sahəsinin su hövzəsinin tutumundan daha çox olması ilə əlaqəli olduğunu iddia edib:

“Əkin sahələri azalmayana qədər Urmu gölünün problemi texnoloji yollarla həll edilə bilməz”.

Avqustun 1-nə olan son statistik məlumatlara əsasən, gölün səviyyəsi 1269,74, sahəsi 581 kvadrat kilometr, suyunun həcmi isə 500 milyon kubmetrə qədər azalıb.

Xatırladaq ki, Urmu gölünün minimum ekoloji su həcmi 15 milyard kubmetr, maksimum ekoloji su həcmi isə 30 milyard kubmetr, minimum ekoloji sahəsi isə 4635 kvadrat kilometr olmalıdır.

Qeyd edək ki, İran Prezidenti Məsud Pezeşkian seçki qabağı təbliğat və təşviqat kampaniyasında seçiləcəyi təqdirdə əsas hədəflərindən birinin Urmu gölünün qısa müddətdə bərpası olduğunu bildirmişdi.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar