Pezeşkianın azərbaycanlılara verdiyi vəd yalan çıxdı

SON XƏBƏRLƏR

Pezeşkianın azərbaycanlılara verdiyi vəd yalan çıxdı

2025.09.09, 15:56

Uzun illərdi can çəkişən Urmu gölünün tamamilə quruması xəbəri heç kimi təccübləndirmədi.

Gunaz.tv

Ona görə ki, İran hökuməti illərdir müxtəlif yollarla gölün quruması və ekoloji fəlakətin baş verməsinə dair azərbaycanlılarda psixi zəmin yaratmışdı.

Azərbaycanlılar belə bir faciənin baş vermsini bir növ gözləyir, hətta bəziləri gecikdiyinə görə təccüblənirdilər.

Gölün quruması ilə nəticələnən təbii və qeyri-təbii səbəblər, onun fəsadları barədə illərdir yüzlərlə yazı yazıldığına görə, eyni şeyləri təkrar etməyin mənası yoxdur.

Ümumilləşdirəndə isə əsas səbəb hökumətin yarıtmaz siyasətidir.

Rejimin azərbaycanlıları kompakt yaşadıqları ərazilərdən qmiqrasiyaya məcbur etmək üçün gölün qurumasında maraqlı olduğu da başqa bir mövzudur.

Ancaq indiki vəziyyətdə əsas yada düşən məsələlərdən biri İran Prezidenti Məsud Pezeşkianın seçki qabağı təbliğat və təşviqat kapaniyasında azərbaycanlılara verdiyi vəddir.

Pezeşkianın verdiyi bir neçə vəd arasında Urmu gölünün bərpası azərbaycanlılar üçün daha cəlbedici idi.

Bu səbəbdən də rejimə qarşı müxalifətdə olan çox sayda vətəndaş da Məsud Pezeşkiana səs verdi, onun İslam Respublikası sistemini qoruyub saxlamaq üçün ortaya atıldığı faktına göz yumdu.

İndi isə Urmu gölünün tamamilə quruduğu, gölün artıq peyk görüntülərində müşahidə olunmadığı barədə xəbərlər yayılsa da, ağayi Məsud Pezeşkian, hələdə Qəzza dərdini çəkməkdə davam edir.

Verdiyi vədi yerinə yetirə bilməmədiyinə görə, bəyanat verməsi, azərbaycanlılardan üzr istəməsi gözlənilsə də, Pezeşkianın susması həm də ona inannan milyonlarla azərbaycanlı seçiciyə hörmətsizlikdir.

Belə görünür ki, Məsud Pezeşkian qulluq etdiyi rejimin başqa mənsubları kimi azərbaycanlıların tələb və azadlıq anlayışlarının təkcə "Heydər baba" şeirində xülasələşməsini istəyir.

Bütün bunlardan aydın olur ki, İran rejimi Məsud Pezeşkiandan prezident qayırmaqla bir neçə hədəfinə çatdı.

Onlardan biri də azərbaycanlılar üçün vacib olan Urmu gölünün azərbaycanlı prezidentin dövründə məhv edilməsi idi.

Cavidan

GUNAZ.TV

SON XƏBƏRLƏR