Vilayəti yenə də Azərbaycanı ittiham etdi - "Bu Azərbaycanın zərərindədir"

SON XƏBƏRLƏR

Vilayəti yenə də Azərbaycanı ittiham etdi - "Bu Azərbaycanın zərərindədir"

2025.09.13, 11:11

İran rəhbərinin beynəlxalq məsələlər üzrə müşaviri Əli Əkbər Vilayəti yenidən Azərbaycan Respublikası və Azərbaycan Prezidentinə qarşı ittihamlar səsləndirib.

Gunaz.tv

Onun bu haqda olan yazısını SEPAH-a bağlı "Təsnim" xəbər agentliyi dərc edib.

Əli Əkbər Vilayəti, avropalı ravvinlərin Azərbaycanda keçirilməsi nəzərdə tutulan toplantısına ev sahibliyi etməsi barədə yayılan xəbərlərə toxunaraq, Azərbaycan Respublikasının bu hərəkətini tənqid edib.

Azərbaycanlılara xitab edən Vilayəti dolayı yolla Azərbaycan vətəndaşlarını üsyana çağırıb:

"Azərbaycanın, Aranın və Qafqazın qeyrətli xalqı, onların əhli-beyt əqidəsinə zidd olan bu İslam əleyhinə hərəkətindən şübhəsiz ki, narazı qalacaq və bu məntiqsiz, islama zidd, qeyri-insani addım son nəticədə Azərbaycanın özünə ziyan vuracaq və başqa heç bir nəticə verməyəcək".

Ravvinlərin müsəlman ölkəsində görüşünü çox təəccüblü və təəssüf doğuran adlandıran Vilayətixəbərin yalan olmasına ümid etdiyini deyib:

"İlk dəfədir ki, bu Azərbaycan hökuməti bu şəkildə bütün xəttləri aşır, bu anti-İslam aktıdır və dünyada şiə ləyaqətinə qarşı bir hərəkətdir.
1200 ilə yaxın müsəlman olan və İslam yolunda böyük fədakarlıqlar göstərən Azərbaycan xalqı, şübhəsiz ki, narazı qalacaq. Görünən odur ki, bu sammitin məqsədi İbrahim razılaşmalarını genişləndirmək və Azərbaycanı, eləcə də Mərkəzi Asiyanın digər müsəlman ölkələrini ona əlavə etməkdir".

Gülüstan və Türkmənçay müqavilələrinin bağlanma vaxtına toxunan Əli Əkbər Vilayəti, Azərbaycan Respublikasının vətəndaşlarının İrana bağlı olduqlarını və vaxtilə İranla birləşməyə səy göstərdiklərini iddia edib.

O, yenidən Azərbaycan-İsail əlaqələrinə toxunaraq, müsəlman ölkələrinə və Qəzzaya hücum edən İsrail təyyarələrinin Azərbaycan tərəfindən yanacaqla təmin edildiyini yazıb.

GünazTV

GUNAZ.TV

SON XƏBƏRLƏR