İsrail casusunun İran rəsmilərini aldatması yenidən gündəm oldu

SON XƏBƏRLƏR

İsrail casusunun İran rəsmilərini aldatması yenidən gündəm oldu

2025.09.22, 11:09

Mossad casusu Katrin Perez Şakdamın İranda olduğu zaman SEPAH komandirləri də daxil olmaqla yüksək rütbəli hökumət adamları ilə münasibətləri yenidən gündəm olub.

Gunaz.tv

Məsələ, bundan əvvəl İsrail casusunun İran rəsmiləri ilə intim münasibətləri barədə açıqlama verən islahatçı siyasətçi İran nparlamentinin keçmiş üzvü Mustafa Kəvakəbianın yeni müsahibəsindən sonra müzakirə mövzusuna çevrilib.

Əvvəlki açıqlamasında İsrailin xanım casusu Şəkdamın SEPAH komandirləri və hökumət adamları ilə "yatdığı"nı deyən Mustafa Kəvakəbian, "Tabnak" saytına müsahibə verərək işlətdiyi ifadələrə görə üzr istəyib, "intim münasibət" əvəzinə "siğə" fadəsini işlətməli olduğunu söyləyib.

O, ifşaedici açıqlamasına görə üzr istəyib, dövlət televizyasında bu məsələni ictimailəşdiriməsini "böyük səhv" adlandırıb.

Kəvakəbianın ifadələrindən onun təzyiq altında müsahibə vediyi məlum olur:

"Bununla bağlı bir neçə dəfə Mədəniyyət və Media Prokurorluğu və məhkəməyə çağırıldım, onlara məsələni ictimailəşdirməkdə pis niyyətimin olmadığını, sadəcə dilimin sürüşdüyünü izah etdim. Keçmiş xidmətlərimi, müharibə əlili və şəhid ailəsindən olduğumu nəzərə alıb məni başa düşdülər. Onlar mənə səhv etdiyimi başa salıb, səhvimi konpensasiya etməyimi istədilər. Mən də "Tabnak" saytı vasitəsilə bunu etdim və buna görə sizə təşəkkür edirəm".

Qeyd edək ki, Katrin Prez Şakdəm, uzun müddət Əli Xaməneinin rəsmi saytının ingilis dilli şöbəsində fəaliyyət göstərib. O, həm də İran hökuməti və SEPAH-a bağlı mətbuatda İranın dini ideologiyasını müdafiə edən yazılar yazmaqla etibar qazanıb.

Mossad casusu İranı tərk etdikdən sonra yazılarında Əli Xameneinin ofisinə sızmağa qədər gedib çıxan casusluq fəaliyyəti haqqında təcrübələrini bölüşüb.

Şakdan İranda olduğu müddətdə 100-dən çox vəzifəli molla və yüksək rütbəli hökumət rəsmisi, SEPAH komandirləri ilə cinsi münasibətdə olduğunu bildirib.

Şakdam, hətta Konstitusiyaya Nəzarət Şurasının (Keşikçilər Şurası) katibi 99 yaşlı Əhməd Cənnətinin də onu iki gecəliyinə siğə etdiyini deyib.

İsrail casusu bundan əvvəlki paylaşımlarında bildirib ki, İran rəsmilərinin içinə sızmaq üçün özünü islamı qəbul edən kimi qələmə verib və bir çox əhəmiyyətli yerlərə, mərkəzlərə nüfuz edib, hətta hökumətin təşkilatçılığı ilə keçirilən iranlı şiələrin İraqa illik dini yürüşlərinə qatılıb.

O, bununla yanaşı İranın keçmiş prezidenti İbrahim Rəisi ilə yaxın əlaqədə olub və 2017-ci ilin prezident seçkilərinin təbliat-təşviqat kampaniyası çərçivəsində onunla birgə seçki qabağı təbliğat üçün Rəşt şəhərinə getdiyini yazıb.

Mossad agentinin açıqlamasından sonra Əli Xamneyinin saytında xanım Katrin Prezə aid olan yazılar silinib.

Onun bu iddialarını bir neçə İran rəsmisi və millət vəkili də təsdiq edib.

Bəzi iddialara görə, 12 günlük İran-İsrail qarşıdurması zamanı öldürülən SEPAH komandirlərinin yerlərinin dəqiq müəyyən edilməsi və onların aradan götürülməsində Katrin Perez Şakdamın "siğə" münasibətləri dövründə topladığı kəşfiyyat məlumatları əhəmiyyətli rol oynayıb.

GünazTV

GUNAZ.TV

SON XƏBƏRLƏR