Avropa üçlüyü İrandan Amerika ilə birbaşa danışığa getməyi tələb etdi

SON XƏBƏRLƏR

Avropa üçlüyü İrandan Amerika ilə birbaşa danışığa getməyi tələb etdi

2025.09.24, 10:26

Avropa üçlüyü ölkələri (Almaniya, Böyük Britaniya, Fransa) və Avropa Birliyi (AB) İranı Amerika ilə birbaşa danışıqları bərpa etməyə və Beynəlxalq Atom Enerjisi Agentliyinin (BAEA) bütün nüvə obyektlərinə girişinə icazə verməyə çağırıb.

Gunaz.tv

Bu haqda bu barədə Almaniya Xarici İşlər Nazirliyinin məlumat yayıb.

Almaniya, Böyük Britaniya, Fransa və Avropa Birliyi İranı qarşıdakı günlərdə, hətta saatlarda onun nüvə proqramı ilə bağlı uzun müddətli problemlərin həlli üçün praktik addımlar atmağa təkidlə çağırıb.

Çağırış, Amerika ilə birbaşa danışıqların bərpasını və İranın öhdəliklərinə uyğun olaraq BAEA-nin bütün İran nüvə obyektlərinə girişinin təmin edilməsini əhatə edir.

"Avropa üçlüyü ölkələri olaraq biz lazım gələrsə, "tətik" mexanizminin (BMT Təhlükəsizlik Şurasının İrana qarşı sanksiyalarının bərpası - red.) prosesini tamamlamağa hazırıq, ancaq bu bizim qarşılıqlı əlaqələrimizin sonu demək deyil. Biz İranın nüvə proqramı probleminə diplomatik həll yolu tapmağa hələ də sadiqik", - Almaniya XİN-nin paylaşdığı bəyanatda bildirilib.

Qeyd edək ki, sentyabrın 23-də Nyu-Yorkda keçirilmiş görüşün nəticələrinə görə tərəflər İranın nüvə proqramı üzrə məsləhətləşmələri davam etdirməyə razılaşıblar.

GünazTV

GUNAZ.TV

SON XƏBƏRLƏR