İran dərhal Amerika ilə birbaşa danışıqlara başlamalıdır- G7

SON XƏBƏRLƏR

İran dərhal Amerika ilə birbaşa danışıqlara başlamalıdır- G7

2025.10.02, 13:23

Böyük Yeddilik Ölkələrinin (G7) xarici işlər nazirləri və Avropa Birliyinin ali nümayəndəsi birgə bəyanatda BMT-nin İslam Respublikasına qarşı sanksiyalarının geri qaytarılmasını alqışlayıb və BMT-nin bütün üzvlərinin geri qaytarılmış sanksiyaları dərhal həyata keçirməyə və onlara tam əməl etməyə borclu olduqlarını vurğulayıblar.

Gunaz.tv

Bu haqda nazirlərin yaydığı birgə bəyanatda deyilib.

Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri Avropa Birliyinin ali nümayəndəsi ilə birlikdə bəyanatda yazıblar ki, diplomatiya vacib olaraq qalır və İslam Respublikası dərhal ABŞ ilə birbaşa dialoqa girməli, nüvə öhdəliklərinə tam əməl etmək istiqamətində ölçülə bilən irəliləyiş nümayiş etdirməlidir.

Bəyanatda qismən qeyd olunub ki, İslam Respublikası gecikmədən Beynəlxalq Atom Enerjisi Agentliyi ilə tam əməkdaşlıq etməli, yoxlamaları bərpa etməli və nüvə materialı ehtiyatını, xüsusilə yüksək zənginləşdirilmiş uranı dəqiqləşdirməlidir.

G7 ölkələri həmçinin İslam Respublikasının heç vaxt nüvə silahı əldə etməməsi üçün diplomatik səyləri davam etdirəcəklərini bildiriblər.

GünazTV

GUNAZ.TV

SON XƏBƏRLƏR