İranda hicabla bağlı yeni qanun layihəsi qəbul edilmədi - Köhnə qaydaların tətbiqi davam edir

SON XƏBƏRLƏR

İranda hicabla bağlı yeni qanun layihəsi qəbul edilmədi - Köhnə qaydaların tətbiqi davam edir

2025.10.04, 23:06

Bundan əvvəl İranın keçmiş prezidenti İbrahim Rəisinin hökuməti dövründə təklif edilən “İffət və hicab mədəniyyətinə dəstək” qanun layihısi qəbul edilmyib.

Gunaz.tv

Bununla bağlı İran mediası məlumat yayıb.

Məlumata görə, İranın Ali Milli Təhlükəsizlik Şurası indiki vəziyyətdə mübahisəli qanun layihəsində nəzərdə tutulan cəzaların tətbiqinin ölkənin milli təhlükəsizliyinə ziyanlı olduğunu bildirib.

İran hökumətinin bir çox media orqanları isə bunu "Məcburi hicab qaydalarının ləğvi" kimi qələmə verib.

Ancaq, burada bu günə kimi hicabla bağlı qaydaların və cəza tədbirlərinin davam edəcəyi bilərəkdən vurğulanmadığı üçün, ictimaiyyətdə yanlış təsəvvür yaranıb.

Məsələnin mahiyyəti isə bundan ibarətdir ki, məcburi hicab qaydaları ilə bağlı İranda bu günə kimi olan qaydalar tətbiq olunacaq, sadəcə cəzaların sərtləşdirilməsi ilə bağlı irəli sürülən təkliflər təkliflər tətbiq olunmayacaq.

Xatırladaq ki, həmin qanun layihəsi 2024-cü ilin sentyabr ayında İranın Konstitusiyaya Nəzarət Şurası (Keşikçilər Şurası) tərəfindən təsdiq edilsə də, Məsud Pezeşkian komandası qanun layihəsini milli təhlükəsizliyə uyğun olmadığı səbəbindən onun icrasına razılıq verməmişdi.

Qeyd edək ki, "İffət və hicab mədəniyyətinə dəstək” qanun layihəsinin qəbul edilməməsi ilə eyni vaxtda, İctimai Məkanlara Nəzarət İdarəsi Loristan əyalətinin Xurrəmabad şəhərində daha bir məşhur restorantı məcburi hicab qaydalarının pozulması və musiqi icra olunduğuna görə bağlayıb.

GünazTV

GUNAZ.TV

SON XƏBƏRLƏR