Xamənei raketlərin məsafəsi məhdudiyyətini qaldırıb

SON XƏBƏRLƏR

Xamənei raketlərin məsafəsi məhdudiyyətini qaldırıb - Ərdestani

2025.10.09, 10:39

Rəhbər (Xamənei) keçmişdə raketlərin məsafəsini 2200 kilometr ilə məhdudlaşdırmışdı, ancaq indi bu məhdudiyyəti tamamilə aradan qaldırıb və raketlərin mənzillərinin uzadılmasını tapışırıb.

Gunaz.tv

Bunu "Didban İran" saytın parlamentin Milli Təhlükəsizlik və Xarici Siyasət Komitəsinin üzvü Əhməd Bəxşayeş Ərdəstaniyə istinadən yazıb.

“İran İslam Respublikası raket proqramını lazım bildiyi qədər inkişaf etdirib və bundan sonra da inkişaf etdirəcək. Biz raket məsafəsinə hər hansı məhdudiyyət qoyulmasını qəbul etmirik və hərbi gücümüzün ən mühüm amili olan raket proqramını heç bir məhdudiyyət olmadan gücləndirməliyik”,- o bildirib.

Millət vəkili Tehranın nüvə proqramı barədə danışıqlar aparmağa hazır olduğunu, ancaq raket proqramı barədə heç bir müzakirə aparmayacağını deyib.

Bu, İsrailin baş naziri Benyamin Netaniyahunun Tehranın raket proqramının təhlükəsi və onun məhdudlaşdırılmasının vacibliyi barədə çıxışından sonraya təsadüf edir.

Baş nazir hazırda İranın 8 min kilometr mənzilli raketlərin hazırlanması üzərində çalışdığını və bu raketlərin Amerikanın şərq sahillərindəki şəhərləri hədəfə ala biləcəyini bildirib:.

“İnsanlar buna inanmaq istəmir, ancaq İran 8 min kilometr məsafəyə çata bilən qitələrarası raketlər inkişaf etdirir. Əgər bu məsafəyə 3 min kilometr də əlavə etsəniz, onlar artıq Amerikanın şərq sahillərinə çata bilərlər”.

GünazTV

GUNAZ.TV

SON XƏBƏRLƏR