İranlı güləşçi Azərbaycan komandasına qoşulur

SON XƏBƏRLƏR

İranlı güləşçi Azərbaycan komandasına qoşulur

2025.12.29, 11:53

Ağır çəki üzrə tanınmış güləşçi Əmir Rza Məsumi bu günlərdə Azərbaycan Respublikası Güləş Federasiyası ilə müqavilə imzalaya və Azərbaycan komandası tərkibində yarışlaa qatılacaq.

Gunaz.tv

Bu haqda İran mediası məlumat yayıb.

"Ağır çəkili sərbəst güləş üzrə Yeniyetmələr, Gənclər və Dünya Ümidləri yarışlarının qızıl medalçısı Əmir Rza Məsumi uzun prosesdən sonra nəhayət ki, Azərbaycan Respublikasının bayrağı altında güləşmək üçün müqavilə imzalayır",- məlumatda bildirilib.

Qeyd olunub ki, İran Güləş Federasiyası buna razılıq vermədiyi üçün proses uzanır:

"İran Güləş Federasiyasının razılıq məktubu verməməsi səbəbindən Məsumi 2027-ci ildən etibarən Azərbaycan üçün mübarizə apara biləcək və daha bir il gözləməli olacaq. Ancaq, onun və Azərbaycan Güləş Federasiyasının əsas niyyəti 2028-ci il Los-Anceles Olimpiadasında iştirak etməkdir".

Bu xəbər İran mediası və idman arenasında narazılıqla qarşılaşıb, hətta bəziləri onu satqınlıqda da günahlandırıblar.

Bəzi media orqanlarının yazdığına görə, Azərbayca Güləş Federasiyası iranlı güləşçiyə aylıq 22 min dollar əmək haqqı ödəyəcək.

İran mediasının yazdığına görə, bir müdət əvvəl də İran milli Yunan-Roma güləşi komandasının keçmiş baş məşqçisi Məhəmməd Bənna, Azərbaycan Respublikasının Güləş Federasiyası ilə danışıqlardan sonra, Azərbaycan komandasına rəhbərlik etmək barədə razılığa gəlib və tezliklə müqavilə imzalayacaq.

Xatırladaq ki, son illər İranda idmançılara və məşqçilərə qarşı laqeydlik və iqtisadi vəziyyətin ağırlığı bir çox idmançının başqa ökələrə, o cümlədən Azərbaycan Respublikasına gəlmələrinə səbəb olub.

GünazTV

GUNAZ.TV

SON XƏBƏRLƏR