İranlı tələbələr də etiraz aksiyalarına çağırdılar

SON XƏBƏRLƏR

İranlı tələbələr də etiraz aksiyalarına çağırdılar

2025.12.30, 10:56

Tehranda etiraz aksiyalarının başlamasından iki gün sonra tələbələr də etiraz aksiyasına qoşulmaqla bağlı çağırışlar ediblər.

Gunaz.tv

Bu haqda Tehranın Şəhid Beheşti və Əmir Kəbir Universitetlərinin tələbələrinin yaydığı bəyanatda bildirilib.

Onlar tələbə və tələbə fəallarını bu gün dekabrın 30-dan başlayaraq aksiyalara dəstək üçün küçələrə çıxmağı, universitetlər və tələbə şəhərciklərində aksiyalar keçirməyə çağırıblar.

"Uzun illərdir vətəndaşların bütün təbəqələrinə qarşı olan repressiya və zümə qarşı tamaşaçı qalmaq, hakimiyyətin dahada qəddarlaşmasına səbəb olub. Bunun qarşısını almaq üçün əvvəllər də olduğu kimi tələbələrin xüsusi missiyası var. unu yerinə yetirmək üçün mövcud şərayit və imkanlardan istifdə edərək aksiyalara qoşulmağımız vacibdir. bazar və küçələrdə səsləndirilən şüarlar yeni dövrün başlamasından və diktaturanın sonunun yaxınlaşmasından xəbər verir",- bəyanatda bildirilib.

Əmir Kəbir Universotetnin tələbələri də yaydıqları bəyanatda hökumətin illərdir repressiya vasitəsilə siyasi tələbələrin həyatını qaraltdığını,onların inkişaf və fəaliyyət imkanlarını əlindən aldığını qeyd ediblər:

"Bütün bunlara görə də, dalğa kimi repressiv hökumətin üstünə çökəcəyik".

Qeyd edək ki, bir neçə gündür İranda dolların kəskin bahalaşması və hökumətin iqtisadi siyasətinə qarşı Tehranda eiraz aksiyaları başlayıb.

Dekabrın 29-u gecə saatlarından isə aksiyalar universtetlərə və başqa şəhərlərə də yayılıb.

GünazTV

GUNAZ.TV

SON XƏBƏRLƏR