ABŞ İrana görə bölgəyə qüvvə göndərib

SON XƏBƏRLƏR

ABŞ İrana görə bölgəyə qüvvə göndərib - Britaniya nəşri

2026.01.06, 15:00

ABŞ Prezidenti Donald Trampın etirazçıların öldürüləcəyi təqdirdə İrana müdaxilə ediləcəyi barədə Tehran hökumətinə xəbərdarlığından sonra ABŞ hərbi təyyarələri və xüsusi təyinatlıları Böyük Britaniya və Almaniyaya köçürülüb və bu İrandakı mövcud vəziyyətlə əlaqəlidir.

Gunaz.tv

Bunu Britaniyanın "Sun" nəşri yazıb.

Nəşrin məlumatına görə, 160-cı Xüsusi Əməliyyatlar Aviasiya Alayının C-17 Globemaster təyyarəsi və iki AC-130 təyyarəsi İngiltərədəki RAF Fairford Hava Bazasına eniş edib.

"Sun" qəzeti yazıb ki, bu hərəkət 12 günlük müharibədə nüvə obyektlərinin bombalanmasından əvvəl ABŞ Hərbi Hava Qüvvələrinin hərəkətlərinə oxşayır.

"Qırıcı təyyarələrin geniş etirazlarla üzləşən Əli Xameneini izlədiyinə inanılır. 160-cı Alay adətən yüksək dəyərli hədəflərə qarşı sürətli və yüksək riskli missiyalar həyata keçirir",- nəşr əlavə edib.

Qeyd edək ki, Donald Tramp etirazçıların öldürüləcəyi təqdirdə ABŞ-nin çox sərt cavab verəcəyi barədə İran hökumətinə iki dəfə sərt xəbərdarlıq edib.

GünazTV

GUNAZ.TV

SON XƏBƏRLƏR