Contact Us

SON XƏBƏRLƏR

Bəndərabbasda ölümcül partlayış; “hədəfli sui-qəsd” və ABŞ-ın raket hücumu barədə şayiələr sosial şəbəkələrdə yayılır (video və foto)

2026.01.31, 16:14
Bəndərabbasda ölümcül partlayış; “hədəfli sui-qəsd” və ABŞ-ın raket hücumu barədə şayiələr sosial şəbəkələrdə yayılır (video və foto)

Gunaz.tv

İlkin məlumatlara görə, bu gün, cümə günü, 31 yanvar 2026-cı il tarixində Bəndərabbas şəhərində, Müəllim prospektində yerləşən səkkizmərtəbəli yaşayış binasında güclü partlayış baş verib. Hadisə yerli vaxtla təxminən saat 13:00–14:00 aralığında qeydə alınıb. Partlayışın gücü nəticəsində binanın azı iki mərtəbəsi dağılıb, ətrafdakı bir neçə avtomobil və mağaza da zərər görüb.

İran rəsmiləri partlayışın dəqiq səbəbinin hazırda araşdırıldığını bildiriblər. Rəsmi mənbələrin ilkin açıqlamalarında qaz sızması ehtimalı irəli sürülsə də, sosial şəbəkələrdə və yerli istifadəçilər arasında müxtəlif şayiələr və fərqli versiyalar yayılmaqdadır.

Sosial media istifadəçiləri hadisə yerindən görüntü və videolar paylaşaraq iddia ediblər: “Bəndərabbas, Azadəqan məhəlləsində iki-üç böyük partlayış baş verdi... şahidlər bunun raket olduğunu deyir.” Başqa bir istifadəçi “Flight Radar”a istinad edərək yazıb: “ABŞ-a məxsus təyyarə Bəndərabbasda partlayışla eyni vaxtda İran hava məkanına daxil olub.” Bəziləri isə hadisəni “pilotsuz uçuş aparatı və raket hücumuna bənzər” kimi təsvir ediblər.

Yerli mənbələrin yaydığı məlumatlarda deyilir: “Bu, qaz partlayışı olmayıb, guya hədəfli bir sui-qəsddir.” Şayiələr arasında bəzi istifadəçilər partlayışın İran İnqilab Keşikçiləri Korpusunun Hərbi Dəniz Qüvvələrinin komandanı, general Əlirza Tənqsiri ilə əlaqəli bir məkanda baş verdiyini iddia ediblər.

İstifadəçilərdən biri yazıb: “SEPAH-ın dəniz qüvvələrinin komandanı general Tənqsirinin evi hədəf alınıb.” Eyni zamanda, “ABŞ təyyarəsinin partlayışla eyni vaxtda daxil olması” və ya “İsrail əməliyyatına bənzərlik” kimi ehtimallar da sosial şəbəkələrdə müzakirə olunur.

Bu məlumatın hazırlandığı vaxta qədər rəsmi olaraq itkilər barədə açıqlama verilməyib. Lakin qeyri-rəsmi məlumatlarda azı dörd nəfərin həlak olduğu, təxminən 10 nəfərin isə yaralandığı bildirilir. Yerli rəsmilər araşdırmalar başa çatdıqdan sonra əlavə məlumatların açıqlanacağını vəd ediblər. Hadisə ilə bağlı görüntülərin, videoların və ziddiyyətli iddiaların geniş yayılması ictimai rəy və media məkanında gərginliyi daha da artırıb.

- Bəndərabbas İranın cənubunda, Hörmüzqan vilayətində, Ərəb körfəzi və Hörmüz boğazı sahilində yerləşir.

 


SEPAH-ın dəniz qüvvələrinin komandanı general Tənqsiri!

 

GünazTV

 

Açar Sözlər :

SEÇİLMİŞ XƏBƏRLƏR

Çox oxunanlar