Contact Us

SON XƏBƏRLƏR

Netanyahu İsrail və Azərbaycan arasında «əla və inkişaf edən tərəfdaşlıqdan» danışdı, İlham Əliyevi Yerusəlimə dəvət etdi

2026.02.04, 00:26
Netanyahu İsrail və Azərbaycan arasında «əla və inkişaf edən tərəfdaşlıqdan» danışdı, İlham Əliyevi Yerusəlimə dəvət etdi

Gunaz.tv

İsrailin Baş naziri Benyamin Netanyahu İsrail ilə Azərbaycan arasında yaxın və uzunmüddətli münasibətləri yüksək qiymətləndirərək bu əlaqələri «əla və illərdir davam edən tərəfdaşlıq» kimi xarakterizə edib.

Netanyahu Azərbaycana əvvəlki səfərlərini xatırladaraq bildirib: “İllər əvvəl Azərbaycana ilk səfərimi xoş xatirələrlə xatırlayıram. Sonra ikinci səfərimdə orada baş verən böyük dəyişikliyi, böyük inkişafı gördüm. Əlbəttə ki, illər keçdikcə, dostluğumuz çiçəkləndi”.

O, həmçinin Prezident İlham Əliyevi Yerusəlimə rəsmi səfərə dəvət edərək deyib: “Prezident İlham Əliyevə ən səmimi salamlarımı çatdırmağınızı xahiş edirəm. Biz həmişə ‘gələn il Yerusəlimdə’ deyirik, indi isə ‘Bu il Yerusəlimdə’ olsun. O, çox səmimi və isti qarşılanacaq”.

Bu açıqlamalar Netanyahu tərəfindən İsrail və Azərbaycan arasında süni intellekt sahəsində əməkdaşlıq üzrə Anlaşma Memorandumunun rəsmi imzalanma mərasimi zamanı səsləndirilib.

İsrailin Baş naziri bu sözləri mərasimdə iştirak edən Azərbaycan nümayəndə heyəti və rəsmi şəxslərə ünvanlayıb və bu çərçivədə Azərbaycan Prezidenti İlham Əliyevi Yerusəlimə rəsmi səfərə dəvət etdiyini bəyan edib.

Son illərdə İsrail və Azərbaycan arasında siyasi, iqtisadi, enerji və təhlükəsizlik sahələrində əməkdaşlıq genişlənib. Müşahidəçilər bu münasibətlərin Cənubi Qafqaz və Yaxın Şərqdəki geosiyasi proseslərə təsirini diqqətlə izləyirlər.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar