Pərdəarxası müəmmalı yoxa çıxma: Rza Pəhləvinin şikayətçisi Kanadada itib

SON XƏBƏRLƏR

Pərdəarxası müəmmalı yoxa çıxma: Rza Pəhləvinin şikayətçisi Kanadada itib

2026.02.06, 19:40

Gunaz.tv

Kanada polisi Masud Məscudi adlı iranlı siyasi fəalın yoxa çıxması ilə bağlı axtarışların davam etdiyini açıqlayıb. 45 yaşlı Masud Məscudi Vankuver şəhərində yaşayırdı və onun yoxa çıxması polis tərəfindən “qeyri-adi” hal kimi qiymətləndirilir. Kanada Cinayət Araşdırmaları Qrupu ictimaiyyətdən istənilən məlumatla polisə kömək etməyi xahiş edib.

Kanada polisinin bildirdiyinə görə, bu iş üzrə cinayət ehtimalı istisna edilmir. Eyni zamanda, rəsmi qurumlar hadisənin hər hansı cinayətkar dəstələrlə əlaqəli olduğu iddialarını rədd ediblər.

Masud Məscudi iranlı mənşəli riyaziyyatçı və universitet müəllimi olub. O, son illərdə İran İslam Respublikasına qarşı siyasi fəaliyyəti ilə tanınıb. Məscudi 2024-cü ildən etibarən Rza Pəhləvi barəsində hüquqi şikayətlər qaldırıb. Bildirilir ki, o, özünü müstəqil siyasi fəallara qarşı bəzi Pəhləvi tərəfdarları tərəfindən yönələn təhdid və təzyiqlərin sənədləşdirilməsi ilə məşğul olub və bu işlər üzrə Rza Pəhləvinin adını şikayətçi qismində göstərib.

Məlumatlara görə, 2 fevral tarixində Rza Pəhləvinin məhkəmədə iştirakı planlaşdırılırdı. Lakin Masud Məscudi bu məhkəmə iclasından bir gecə əvvəl yoxa çıxıb. Kanada Cinayət Araşdırmaları Qrupunun rəsmisi Frida Fonq bildirib ki, polis Məscudinin yoxa çıxmasının onun siyasi və hüquqi fəaliyyəti ilə əlaqəli olub-olmadığını araşdırır.

Son günlərdə Masud Məscudinin şübhəli ölümü ilə bağlı təsdiqlənməmiş məlumatlar yayılıb. Kanada rəsmiləri isə bu məlumatların hələlik rəsmi şəkildə təsdiq edilmədiyini bildiriblər.

Masud Məscudinin yoxa çıxmasının Rza Pəhləvi əleyhinə məhkəmə prosesi ilə eyni vaxta təsadüf etməsi bu işi Kanadada və diaspor mühitində ciddi siyasi suallar doğurur.

GünAzTV

GUNAZ.TV

SON XƏBƏRLƏR