Contact Us

SON XƏBƏRLƏR

Həmədanın Çınar kəndi təhlükəsizlik qüvvələri tərəfindən mühasirəyə alındı – yüzlərlə şəxs saxlanılıb

2026.02.16, 21:57
Həmədanın Çınar kəndi təhlükəsizlik qüvvələri tərəfindən mühasirəyə alındı – yüzlərlə şəxs saxlanılıb

Gunaz.tv

Təhlükəsizlik qüvvələri bu gün səhər saatlarında Həmədan vilayətinin Əsədabad rayonuna bağlı Çınar kəndini mühasirəyə alaraq yüzlərlə nəfəri saxlayıb.

GünAz TV-yə daxil olan məlumatlara görə, əməliyyat səhər saat 4:30 radələrində onlarla hərbi və təhlükəsizlik avtomobilinin iştirakı ilə başlayıb. Yerli mənbələrin bildirdiyinə əsasən, kənd tam nəzarətə götürülüb və saxlanılanların bir qismi Əsədabad polis idarəsinə aparılaraq naməlum şəraitdə saxlanılır.

Məlumatlarda gecə saatlarında həyata keçirilən saxlanmalar, ailələrin yaxınlarının taleyi barədə məlumat ala bilməməsi və bəzi şəxslərin sağlamlıq vəziyyəti ilə bağlı narahatlıqlar qeyd olunur. Həmçinin əməliyyatla eyni vaxtda bölgədə internetin kəsildiyi və ya ciddi məhdudlaşdırıldığı iddia edilir.

Xəbər hazırlanarkən rəsmi qurumlar əməliyyatın detalları ilə bağlı hər hansı açıqlama verməyib.

Çınar kəndi son aylarda etiraz aksiyalarının keçirildiyi məkanlardan biri olub. Bəzi məlumatlara görə, bu əməliyyatın həmin hadisələrlə əlaqəli olduğu ehtimal edilir.

Şəhər və kəndlərdə saxlanmaların artması və yayılmış statistika, etirazçılara qarşı təhlükəsizlik tədbirlərinin miqyası ilə bağlı narahatlıqları gücləndirib.

GünAzTV

R.G

 

Açar Sözlər :

SEÇİLMİŞ XƏBƏRLƏR

Çox oxunanlar