Bölgədə “böyük hazırlıq” siqnalı? Yeni peyk görüntüləri nə göstərir

SON XƏBƏRLƏR

Bölgədə “böyük hazırlıq” siqnalı? Yeni peyk görüntüləri nə göstərir

2026.02.23, 08:25

Gunaz.tv

“Financial Times” qəzeti ABŞ-ın Yaxın Şərqdəki hərbi bazalarından əldə olunan yeni peyk görüntülərinə istinadən yazır ki, İordaniya və Səudiyyə Ərəbistanında diqqətçəkən hava hərəkətliliyi qeydə alınıb. Analitiklər bunu mümkün genişmiqyaslı hərbi hazırlığın tərkib hissəsi kimi qiymətləndirirlər.

Məlumata görə, İordaniyadakı Müvəffəq əs-Səlti hava bazasında azı 66 Amerika döyüş təyyarəsi müşahidə edilib. Onların arasında 18 ədəd F-35, 17 ədəd F-15 və 8 ədəd A-10 təyyarəsi yer alır. Həmçinin EA-18 elektron müharibə təyyarələri və bir neçə hərbi nəqliyyat təyyarəsi də görüntülərdə qeydə alınıb.

Ayrı peyk şəkilləri Səudiyyə Ərəbistanındakı Şahzadə Sultan hava bazasında da ABŞ hərbi təyyarələrinin sayının artdığını göstərir. Bu bazada E-3 erkən xəbərdarlıq təyyarələri, eləcə də C-130 və C-5 nəqliyyat təyyarələri müəyyən edilib.

“Financial Times” hərbi analitiklərə istinadən yazır ki, iki bazada müşahidə olunan bu düzülüş tammiqyaslı hava əməliyyatı üçün operativ strukturun formalaşdığını göstərə bilər. Bu hərəkətliliyin bölgədə artan gərginlik və İranla bağlı mümkün ssenarilərlə əlaqəli ola biləcəyi ehtimal edilir.

Mütəxəssislərin fikrincə, İordaniya və Səudiyyə Ərəbistanındakı bazalarda döyüş və dəstək təyyarələrinin sayının qısa müddətdə artması mümkün hərbi ssenarilərə hazırlıq göstəricisi kimi dəyərləndirilir. Bu isə nüvə danışıqları və Vaşinqton–Tehran xəttində gərginliyin davam etdiyi bir mərhələyə təsadüf edir.

GünAzTV
R.G

GUNAZ.TV

SON XƏBƏRLƏR