Contact Us

SON XƏBƏRLƏR

Bu gün Urmuda hansı mərkəzlər hədəfə alındı?

2026.03.03, 16:15
Bu gün Urmuda hansı mərkəzlər hədəfə alındı?

Gunaz.tv

ABŞ və İsrail ilə İran hakimiyyəti arasında artan hərbi gərginlik fonunda bu gün səhər saatlarından etibarən Urmu şəhərində ardıcıl partlayışlar qeydə alınıb. Sosial şəbəkələrdə yayılan görüntülər şəhərin müxtəlif hissələrində tüstü sütunlarının qalxdığını və yaşayış binalarında sarsıntı hiss olunduğunu göstərir.

Yayılan məlumatların ümumiləşdirilmiş siyahısına əsasən, aşağıdakı obyektlərin hədəfə alındığı bildirilir:

1. Malik Əştər bazası (Sepah) – Şəhərdə Sepaha məxsus əsas hərbi obyektlərdən biri kimi göstərilir. İstifadəçilər ərazidə ardıcıl partlayışlar olduğunu yazırlar.

2. Sepahın Kəşfiyyat idarəsi – Nəzarət strukturlarından birinin birbaşa zərbə aldığı iddia edilir. 7-ci məhəllə sakinləri güclü partlayış dalğası hiss etdiklərini bildiriblər.

3. “Şühəda” korpusu – Bu mərkəzin də hədəflər sırasında olduğu qeyd olunur. Yayılan kadrlarda ərazi üzərində tüstü müşahidə edilir.

4. Urmu Sepah korpusu – Şəhər daxilində yerləşən hərbi kompleksin bir hissəsinin vurulduğu bildirilir.

5. Sərhəd xidməti bölmələri – Təhlükəsizlik infrastrukturu çərçivəsində sərhəd mühafizə obyektlərinin də zərbə aldığı iddia olunur.

6. Ümumi və İnqilab məhkəmələri (Vəlfəcr küçəsi) – Hadisədən sonra ərazi bağlanıb, giriş-çıxış məhdudlaşdırılıb.

7. Urmu Universiteti ətrafı – Tələbə yataqxanasından təxminən 300 metr məsafədə partlayışların baş verdiyi, tələbələr arasında təşviş yarandığı bildirilir.

Bəzi mənbələr qısa zaman kəsiyində ən azı yeddi, hətta doqquz hava zərbəsinin endirildiyini iddia edir. Ölən və yaralananlarla bağlı rəsmi açıqlama verilməyib.

Hadisə ilə bağlı İran hakimiyyətinin mövqeyi hələlik açıqlanmayıb. Baş verənlər Urmunun son proseslərdə əsas gərginlik nöqtələrindən birinə çevrildiyini göstərir.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar