İranın internet filtrləmə qalası dağıldı

SON XƏBƏRLƏR

İranın internet filtrləmə qalası dağıldı

2026.03.12, 21:52

Gunaz.tv

Təsdiqlənmiş məlumatlara görə, İranda internetin filtrasiya və nəzarət sistemlərində fəaliyyət göstərən bir şirkətin mərkəzi binası ABŞ və İsrailin birgə hava hücumu zamanı hədəfə alınıb və tamamilə məhv edilib. Bildirilir ki, bu şirkət ölkədə internetə nəzarət sistemlərinin əsas podratçılarından biri olub.

Sosial şəbəkələrdə və açıq mənbəli analiz hesabatlarında yayılan məlumatlara əsasən, “Sahab Pardaz” şirkətinin mərkəzi binası hücum nəticəsində ciddi şəkildə dağıdılıb.

Məlumata görə, şirkət İranda internetin filtrasiya və nəzarət sistemlərinin qurulmasında əsas rol oynayıb və internet trafikinin dərin paket analizi texnologiyasının tətbiqində iştirak edib. Bu texnologiya sosial şəbəkələrin bloklanması, internet trafikinin izlənməsi və istifadəçi məlumatlarının analizində istifadə olunur.

Bildirilir ki, şirkət son illərdə “Abr Arvan” və “Doran Group” kimi şirkətlərlə əməkdaşlıq edib və ölkədə internet məhdudiyyətlərinin tətbiqində əsas aktorlardan biri sayılıb. Mənbələrin məlumatına görə, bu şirkət etiraz aksiyaları zamanı internetin kəsilməsi və rabitənin nəzarətdə saxlanmasında da rol oynayıb.

ABŞ daha əvvəl iki min iyirmi və iki min iyirmi iki-ci illərdə bu şirkəti internet senzurasında iştiraka görə sanksiya siyahısına daxil etmişdi.

Hücumdan sonra filtrasiya və internet nəzarət infrastrukturunda problemlər yarandığı bildirilir. Eyni zamanda internet monitorinq qurumlarının məlumatına görə, ölkədə internetə çıxış səviyyəsi kəskin azalıb və bəzi bölgələrdə təxminən bir faizə qədər düşüb.

Sosial şəbəkələrdə hadisəyə geniş reaksiyalar verilib. Müxalif istifadəçilər bunu internet senzurası sisteminə ciddi zərbə kimi qiymətləndirir, bəzi paylaşımlarda isə yaxınlıqdakı binalarda mümkün mülki itkilərlə bağlı narahatlıq ifadə olunur.

Bəzi məlumatlara görə, hücum zamanı yaxınlıqdakı aptekdə çalışan bir əczaçı həyatını itirib. Lakin hadisə ilə bağlı rəsmi və müstəqil təsdiq hələ açıqlanmayıb.

GünAzTV
R.G

GUNAZ.TV

SON XƏBƏRLƏR