Contact Us

SON XƏBƏRLƏR

Ərakda bir tələbə fəalın evinə basqın

2026.03.12, 23:12
Ərakda bir tələbə fəalın evinə basqın

Məlumatlara görə, İranın təhlükəsizlik qüvvələri Ərak şəhərində cənubi azərbaycanlı bir tələbənin ailə evinə basqın edərək onu saxlayıb və naməlum yerə aparıblar. Bu hadisə sosial şəbəkələrdə geniş reaksiyalara və narahatlıqlara səbəb olub.

Gunaz.tv

Tələbə və insan haqları mənbələrinin yaydığı xəbərlərə əsasən, “Dasta (Fatimə) Fərroxi” Tehran Surə Universitetinin səhnə ədəbiyyatı ixtisası üzrə tələbəsidir və 10 mart (çərşənbə axşamı) günü İranın təhlükəsizlik qüvvələrinin Ərak şəhərində ailə evinə etdiyi basqından sonra saxlanılıb.

Bildirilir ki, 20 yaşlı bu tələbə universitetlərin müharibə şəraiti səbəbindən bağlanması zamanı ailəsinin yanına – Əraka qayıtmışdı. Təhlükəsizlik qüvvələri qapını döyərək və qapını sındırmaqla hədələyərək evə daxil olublar. Həmçinin onun mobil telefonu və noutbuku da əməkdaşlar tərəfindən müsadirə edilib.

Məlumatlı mənbələrin bildirdiyinə görə, bu əməliyyat məhkəmə qərarı təqdim edilmədən həyata keçirilib və Dasta Fərroxi saxlanıldıqdan sonra naməlum bir yerə aparılıb. Xəbərin hazırlandığı ana qədər onun saxlanıldığı yer, saxlayan qurum və ya ona qarşı irəli sürülə biləcək ittihamlar barədə rəsmi məlumat verilməyib.

Məlumatlara görə, bu tələbə daha əvvəl də vətəndaş fəaliyyəti və son illərdə qadın hüquqları ilə bağlı tələblərə dəstək verdiyinə görə təzyiq və saxlanma ilə üzləşmişdi.


GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar