SEPAH yaralı qüvvələrini müalicə etmək üçün tibb işçilərinə təzyiq edir

SON XƏBƏRLƏR

SEPAH yaralı qüvvələrini müalicə etmək üçün tibb işçilərinə təzyiq edir

2026.03.13, 00:51

Tələbə mənbələrinin yaydığı məlumatlara görə, İranın qərb bölgələrində hərbi qüvvələrin itkilərinin artması fonunda bir sıra tibb işçiləri və xüsusilə tibb tələbələri hərbi qurumların təzyiqi ilə bu bölgələrdəki tibb mərkəzlərinə göndərilib.

Gunaz.tv

Yayılan məlumatlara əsasən, qərbi İranda hərbi itkilərin artmasından sonra bir qrup tibb işçisi, xüsusilə tibb tələbələri hərbi qurumların təzyiqi ilə həmin bölgələrdəki xəstəxanalara və tibb mərkəzlərinə göndərilib.

Mənbələrin bildirdiyinə görə, bu göndərişlər məcburi şəkildə və hərbi qurumların birbaşa müdaxiləsi ilə həyata keçirilib. Tələbə mənbələri qeyd edir ki, Şiraz Tibb Elmləri Universitetinin bir sıra tələbə və tibb işçiləri də hərbi qurumların göstərişi ilə ölkənin qərb sərhəd şəhərlərinə göndəriliblər.

Məlumatlara görə, bu köçürmələr qərbi İranda, xüsusilə İraq sərhədi yaxınlığında hərbi toqquşmaların və hücumların artdığı bir vaxtda baş verir və həmin bölgələrdə İran hərbi qüvvələrinin yaralılarının sayının çox olduğu bildirilir.

Məcburi şəkildə göndərilən tibb tələbələrindən biri tələbə mənbələrinə bildirib ki, qərb bölgələrindəki tibb mərkəzlərində yaralıların sayı çox yüksəkdir və tələbələr hərbi qurumların təzyiq və təhdidləri ilə bu bölgələrə göndəriliblər.

Onun sözlərinə görə, bir çox tibb işçisi kifayət qədər tibbi imkanların olmadığı və təhlükəsizlik şəraitinin riskli olduğu mühitdə işləməyə məcbur edilib.

Son həftələrdə qərbi İranın sərhəd bölgələrində hərbi toqquşmaların və hücumların artması barədə xəbərlər yayılıb və bəzi mənbələr bu bölgələrdə hərbi qüvvələr arasında ölən və yaralananların sayının yüksək olduğunu bildirir.

GünAzTV
R.G

GUNAZ.TV

SON XƏBƏRLƏR