Contact Us

SON XƏBƏRLƏR

Mehrabad hava limanı faktiki olaraq sıradan çıxıb - Təhlil

2026.03.16, 14:03
Mehrabad hava limanı faktiki olaraq sıradan çıxıb - Təhlil

Sepahın donanması məhv edilib.

Gunaz.tv

Tehranın Mehrabad hava limanı son günlər bir neçə dəfə hava hücumlarının hədəfi olub. Müxtəlif mənbələrin bildirdiyinə görə, bu hücumlar nəticəsində Sepah Pasdaranı ilə əlaqəli bəzi infrastruktur obyektləri məhv edilib.

Günaz TV-nin məlumatına görə, yeni hücumlar bazar ertəsi, 16 mart səhər tezdən yenidən başlayıb. Məlumatlara əsasən, gecə saat təxminən 2-3 radələrində Mehrabad hava limanının ətrafında, o cümlədən Ekbatan şəhərciyinin cənubunda, hava limanının arxa hissəsində, Qərb terminalı və Azadlıq meydanı yaxınlığında güclü partlayış səsləri eşidilib.

Məlumatlara görə, Mehrabadda yerləşən Sepah Pasdaranının nəqliyyat donanmasının böyük hissəsi bu hücumlar zamanı məhv edilib. Həmçinin bildirilir ki, İranın yüksək vəzifəli rəsmilərinin daşınması üçün istifadə olunan rəsmi təyyarə də tamamilə məhv edilib.

Yayılan yeni videolarda hava limanı ətrafında qalın tüstü, yanğın və ardıcıl partlayış səsləri görünür. Bildirilir ki, zərbələr əsasən yanacaq infrastrukturu ilə əlaqəli obyektlərə dəyib.

Məlumatlara əsasən, Mehrabad hava limanı — Tehranın əsas daxili uçuş hava limanı olmaqla yanaşı, Sepah Pasdaranı üçün mühüm logistika mərkəzlərindən biri hesab olunur — hazırda faktiki olaraq fəaliyyətini dayandırıb və bir çox daxili uçuşlar ya tam dayandırılıb, ya da ciddi şəkildə məhdudlaşdırılıb.

Bundan əvvəl şənbə günü, 7 mart səhər saatlarında ABŞ və İsrailin genişmiqyaslı hava hücumları Tehranın qərb hissəsini hədəfə almışdı. İsrail ordusu bildirmişdi ki, bu əməliyyat zamanı Sepahın Qüds qüvvələrinə məxsus 17 təyyarə məhv edilib. Həmin təyyarələrin “Hizbullah”a silah və pul daşınması üçün istifadə edildiyi iddia olunur.

 

GünAzTV
R.G

 

 

Açar Sözlər :

SEÇİLMİŞ XƏBƏRLƏR

Çox oxunanlar