Nəticəsiz raket atəşi: ABŞ bazasına qarşı “şou” tam iflasa uğradı

SON XƏBƏRLƏR

Nəticəsiz raket atəşi: ABŞ bazasına qarşı “şou” tam iflasa uğradı

2026.03.21, 07:55

Böyük şou, sıfır nəticə! Raketlər buraxıldı, amma heç biri hədəfə çatmadı...

Gunaz.tv

Gunaz.tv xəbər verir ki, The Wall Street Journal qəzetinin ABŞ rəsmilərinə istinadən yaydığı məlumata görə, İran cümə günü 20 mart tarixində Hind okeanında yerləşən “Diyeqo Qarsiya” bazasına doğru iki ədəd ballistik raket buraxıb; lakin bu cəhd heç bir nəticə vermədən başa çatıb.

Rəsmilərin bildirdiyinə görə, raketlərin heç biri hədəfə çatmayıb və bu əməliyyat, geniş təbliğata baxmayaraq, açıq uğursuzluqla nəticələnib. Bu addımın Yaxın Şərqdən kənarda ABŞ maraqlarını hədəf almaq cəhdi kimi qiymətləndirildiyi qeyd olunur.

Məlumata əsasən, raketlərdən biri uçuş zamanı texniki nasazlıq səbəbilə sıradan çıxıb. Digər raket isə hədəfə çatmadan əvvəl ABŞ hərbi gəmisi tərəfindən SM-3 tipli tutucu raketlə vurularaq məhv edilib; bu isə belə əməliyyatların real imkanlarını bir daha sual altına qoyur.

Təxminən dörd min kilometr məsafədə yerləşən hədəfin vurulması cəhdi nəzəri baxımdan diqqət çəkici sayılsa da, hədəfə çatmayan raketlər bu sistemlərin real effektivliyi ilə bağlı ciddi suallar doğurur.

Britaniyanın nəzarətində olan Hind okeanındakı uzaq adada yerləşən “Diyeqo Qarsiya” bazası ABŞ və Böyük Britaniyanın strateji hərbi mərkəzlərindən biri hesab olunur və burada bombardmançı təyyarələr, nüvə sualtı qayıqları və idarəolunan raketlərlə təchiz edilmiş hərbi gəmilər yerləşdirilir.

Bu hadisə İranın özünü bölgədə raket gücü kimi təqdim etməyə çalışdığı bir vaxtda baş verir. Lakin bir dənə belə raketin hədəfə çata bilməməsi iddialarla reallıq arasındakı fərqi açıq şəkildə ortaya qoyur.

GünAzTV
R.G

GUNAZ.TV

SON XƏBƏRLƏR