İranda məhbusların vəziyyəti ilə bağlı qlobal xəbərdarlıq

SON XƏBƏRLƏR

İranda məhbusların vəziyyəti ilə bağlı qlobal xəbərdarlıq

2026.04.04, 15:06

Yaxın Şərqdə müharibə və hərbi gərginlik artdığı bir vaxtda, Human Rights Watch İranda məhbusların ağır vəziyyəti ilə bağlı xəbərdarlıq edib.

Gunaz.tv

Gunaz TV-nin məlumatına görə, bu qurum bildirib ki, İranda saxlanılan minlərlə insan “ikili təhlükə” ilə üz-üzədir: bir tərəfdən hava hücumları, digər tərəfdən isə hakimiyyətin zorakılığı və insan hüquqlarının pozulması. Xüsusilə özbaşına saxlanılan şəxslər ölüm, yaralanma və ciddi hüquq pozuntuları riski altındadır.

Human Rights Watch təşkilatının İran üzrə baş tədqiqatçısı Bəhar Səba bu barədə deyib: «Məhbuslar, o cümlədən özbaşına saxlanılan minlərlə insan ikili təhlükə ilə üzləşib; həm həbsxanalarda qətliam keçmişi olan məmurların zorakılığı, həm də ABŞ və İsrailin bombardmanları.»

O əlavə edib: «Bu insanların çoxu ümumiyyətlə saxlanılmamalı idi, lakin indi sığınacaq imkanı olmadan ölüm təhlükəsi ilə üz-üzədirlər.»

Hesabata əsasən, müharibənin başlanmasından əvvəl – 9 esfand (28 fevral) tarixində – İran hakimiyyəti genişmiqyaslı həbslərə başlayıb və on minlərlə etirazçı, fəal və hətta uşaqları saxlayıb. Bu şəxslərin bir çoxu gizli saxlanma yerlərində tutulur və “məcburi yoxa çıxma” riski altındadır.

Müharibənin başlamasına baxmayaraq həbslər dayanmayıb, əksinə daha da güclənib. Təhlükəsizlik qüvvələri 4 fərvərdin (24 mart) tarixində “ictimai rəyi çaşdırmaq” və “rejimə qarşı təbliğat” kimi ittihamlarla 446 nəfərin saxlandığını açıqlayıb.

Məlumatlara görə, Evin, Tehran Böyük Mərkəzi həbsxanası, İsfahan, Mahabad və Zəncan kimi həbsxanaların yaxınlığında hava hücumları baş verib və bəzi hallarda həbsxana binalarına ziyan dəyib.

GünAzTV
R.G

GUNAZ.TV

SON XƏBƏRLƏR