Tehran geri çəkilmədi: minlərlə raket və pilotsuz aparatımız var

SON XƏBƏRLƏR

Tehran geri çəkilmədi: minlərlə raket və pilotsuz aparatımız var

2026.04.07, 23:02

Region üçün yeni təhdid; Tehran geri çəkilmədi, Bu güc nümayişi nə deməkdir?

Gunaz.tv

Gunaz TV-nin məlumatına görə, Wall Street Journal qəzeti İran və ABŞ arasında aparılan danışıqların vasitəçilərinə istinadən yazıb ki, Tehran birbaşa diplomatik əlaqələri kəsməzdən əvvəl də sərt mövqe nümayiş etdirib və geri addım atmağa dair heç bir əlamət göstərməyib.

Bu məlumata əsasən, vasitəçilər və bir məlumatlı mənbə bildirib ki, Tehran danışıqların vasitəçisi olan Pakistana belə mesaj verib: «Özünü üstün mövqedə görür və hələ də 15 min raket və 45 min pilotsuz aparat ehtiyatına malikdir.»

Bu mənbələr vurğulayıb ki, bu rəqəmlər ehtimal ki, şişirdilmişdir, lakin Tehranın danışıqlardakı qəti mövqeyini göstərir.

Bu hadisələr Donald Trampın Tehrana verdiyi və çərşənbə günü səhər saatlarında başa çatan ultimatumun yaxınlaşdığı bir vaxtda baş verir; eyni zamanda ABŞ və İsrailin İrana qarşı hücumları davam edir.

Vasitəçilərin və İnqilab Keşikçiləri Korpusunun sözlərinə görə, Tehran təzyiqlərin davam edəcəyi təqdirdə, Ərəb körfəzi ölkələrinə və İsrailin enerji və elektrik infrastrukturlarına genişmiqyaslı hücumlar həyata keçirəcəyi ilə hədələyib.

GünAzTV
R.G

GUNAZ.TV

SON XƏBƏRLƏR