Qalibaf: ABŞ bizim etimadımızı qazanmalıdır

SON XƏBƏRLƏR

Qalibaf: ABŞ bizim etimadımızı qazanmalıdır

2026.04.12, 16:22

Gunaz.tv

Gunaz TV-nin məlumatına görə, İran parlamentinin sədri və Pakistandakı danışıqlar heyətinin rəhbəri “Məhəmmədbaqer Qalibaf”, “Donald Trump”ın müavini tərəfindən danışıqların uğursuz olduğu elan edildikdən bir neçə saat sonra ilk reaksiyasında iddia edib ki, ABŞ İranın “məntiq və prinsiplərini” anlayıb və indi Tehranın etimadını qazanmaq üçün qərar verməlidir.

Qalibaf mesajında yazıb: “ABŞ bizim məntiq və prinsiplərimizi anladı və indi qərar verməlidir ki, bizim etimadımızı qazana bilər, ya yox?”

O, ABŞ-a qarşı etimadsızlıq mühitinə toxunaraq vurğulayıb: “Danışıqlardan əvvəl də qeyd etmişdim ki, bizim xoş niyyətimiz və iradəmiz var, amma əvvəlki iki müharibənin təcrübəsinə görə qarşı tərəfə etimadımız yoxdur.”

Bu yüksək vəzifəli İran rəsmisi daha sonra iddia edib: “Biz hər zaman güc diplomatiyasını hərbi mübarizə ilə yanaşı İran xalqının hüquqlarını əldə etməyin başqa bir yolu hesab edirik.”

Qalibafın açıqlamaları İslamabadda danışıqların dalana dirəndiyi bir vaxtda səsləndirilib və bu, Tehranla Vaşinqton arasında dərin fikir ayrılıqlarını bir daha ortaya qoyur; belə ki, İran razılaşma əldə olunmamasına baxmayaraq, hələ də təhdid və etimadsızlıq mövqeyindən çıxış edir.

Bununla belə, bu İran rəsmisinin mövqelərindən belə görünür ki, Tehran ABŞ ilə danışıqlar dosyesini tam bağlamayıb və diplomatik prosesin davamı ehtimalını açıq saxlayır.

Bu arada, İran Xarici İşlər Nazirliyinin sözçüsü “İsmayıl Bəqai” İslamabad danışıqlarında razılaşma əldə olunmaması ilə bağlı deyib: “Bəzi mövzularda anlaşmaya gəldik, lakin 2–3 əsas məsələdə baxışlar arasında fərq qaldı.”

Eyni zamanda, Axios xəbər saytı “İslamabaddakı danışıqlar prosesindən xəbərdar mənbəyə” istinadən yazıb ki, fikir ayrılıqlarının bir hissəsi İranın Hörmüz boğazına nəzarətdə israr etməsi və zənginləşdirilmiş uran ehtiyatlarından imtina etməməsi ilə bağlı olub.

Günaz TV
R.G

GUNAZ.TV

SON XƏBƏRLƏR